نصحتى:: متمشيش عليه على طول😂
07 Sep 18 by member: salah gebril
|
انصحك طبعا اولا اقرأي عنه كتيير كتيير
وافهميه بدال المره الف
ولو في اي سؤال اهل الكيتو هنا كتير هتلاقيهم كلهم بيساعدوكي
ثانيا اهتمي بالالكترولايتس
اللي هي الاملاح والمعادن في الجسم
ثالثا الكيتو مش نظام سعرات
نظام ماكروز بنحسب الماكروز بتاعتنا بس
رابعا ما تدققيش على كل حاجه بالجرام والسنتي.... خليكي مرنة شويه خصوصا في الفترة الأولى لحد ما تعدي الفلو
واخيرا تابعي جروبات على الفيس زي جروب كيتوجانيك لايف ستايل او جروب ابدأ كيتو
الاتنين دول خير معين ان شاءالله
ولو ليكي في الانجلش تابعي
Dr berg
على يوتيوب
او مالكيش في الانجلش تابعي
دكتور باسل جلال
او تابعي الاتنين عادي 😂😂
وفي غيرهم كتيييير طبعا
وربنا معاكي 😍😍😍
07 Sep 18 by member: BASSMA_RAYAN
|
شكرا صلاح
بس مش متاكده
يمكن لما اجرب يعجبني واستمر ويمكن لا
الله اعلم
07 Sep 18 by member: sassoooo
|
بسمه
متشكره جدا
انا متابعه الكيتو من زمان جدا بس ماكنش ينفع ابدا لانى عندي بيبي وبيرضع طبيعي
وفطمته الحمد لله
وقررت ابدا
وحسبت كل حاجه
بس انا متخوفه شويه من موضوع الفاكهه لانى بحب الفاكهه خايفه هي اللي تخرجنى منه
وياتري لازم
اجيب الماغنسيوم بلاس وملح د سولت
ده دلوقتى ؟!
وحكايه خل التفاح مع الليمون دي برده اعملها امتى ؟!
07 Sep 18 by member: sassoooo
|
العفو يا قلبي 😍 😍
الكيتو ممتماشي تماما مع الحمل والرضاعة😍
الفاكهة طبعا مش مسموحه لكن صدقيني مش هتحسي انك محتاجاها خالص
والمغنسيوم بلاس طبعا لازم
دكتور سولت مش لازم خالص
وخل التفاح لازم تجيبي نوع عضوي مش اي نوع... لازم يكون مكتوب عليه
خل تفاخ عضوي
organic apple cider vinegar
في منه عند امتنان كويس جدا
وده مهمته تسهيل الهضم لأنك بتاخدي دهون كتير
وطبعا بتاخديه من اول ما بتبدأي عادي
08 Sep 18 by member: BASSMA_RAYAN
|
بجد ؟!😳😳😳
بس انا كنت متابعه جروب ابد كيتو
وهم كانوا منبهين جدا ان الكيتو مع الحمل والرضاعه لاء
انتي كده هتخلينى اعيط والله 😭😭😭😭😭
08 Sep 18 by member: sassoooo
|
ازاي يعني الكلام ده؟
انا بتابع برايفت مع ادمن جروب كيتوجانيك لايف ستايل وسألته على الموضوع ده قاللي ينفع عادي جداااا
ده غير ان انا كان عندي مشاكل في الهرمونات.... والدكتور كتبتلي على برشام يخفض سكر الدم وقالتلي لازم الوزن يقل قلتلها على الكيتوجانيك
قالتلي جميل استمري عليه
بس الادويه اللي بتاخديها زي الماغنسيوم والاوميجا لازم احددلك انواع منها مناسبه للحمل لما يحصل ان شاء الله
08 Sep 18 by member: BASSMA_RAYAN
|
والكابتن نفسه قاللي ان اخته وزوجته متبعين الكيتوجانيك مع الحمل والرضاعه عادي جدااا
واتكلمنا كتير الصراحه في الموضوع ده لحد ما اقتنعت
الحاله الوحيده اللي غلط هي انك تكوني مريضة سكر من النوع الاول يعني بتاخدي انسولين ومولوده بمرض السكر
لأن الكيتون بيعلى جداااا في الجسم
وبيعمل حاجه اسمها اسيدوسيز
ودي غلط جدا في الحمل والرضاعه
غير كدا
طالما معندكيش سكر من النوع الأول يبقى عادي جدا
08 Sep 18 by member: BASSMA_RAYAN
|
حتى بالمنطق كدا... لما كسرت الكيتو ولخبطت اكلي
لقيت نفسي باكل الاكل العادي معظمه نشويات وسكريات
واحسيت ان مافيش فايده حقيقية باخدها من الاكل
غير لما كنت كيتو كنت باكل اقل حاجه نص كيلو خضار ورقي في اليوم
وباكل بروتين بحساب وباخد مصدر طاقه كويس من الفات
وباخد فيتامينات ومعادن بشكل يومي
ده غير راحة المعدة ولا في انتفاخ ولا غازات ولا عسر هضم
نشاط على طول و فعلا بستفيد من اكلي 👍👍👍👍
افضل بكتيييير من عك النشويات مع الاكل العادي
08 Sep 18 by member: BASSMA_RAYAN
|
شكرا يا بسمه كتير علي ردك
بس فعلا انا متابعه جروب ابدا كيتو وهم كاتبين كده في البوست المثبت بتاعهم
عشان كده كنت متابعه في صمت
عموما تسلمي وادعيلي اثبت علي الكيتو
وبالتوفيق ليكي يارب
08 Sep 18 by member: sassoooo
|
عاوز معلومات عن النظام ده
11 Sep 18 by member: mo1377
|
يا جماعة الحامل والمرضع بتتعرض لخطر ketoacidosis
ما ينفعش ابدا ابدا تعمل كيتو
12 Sep 18 by member: monaebead
|
13 Sep 18 by member: nourmustafa02
|
13 Sep 18 by member: saherha
|