|
فيلم That Sugar Film
شاب أسترالي أسمه "دامون جاموا" Damon Gameau
ممثل تلفزيون وسينما
كان بياكل بطريقة غير صحية زي معظم الناس اللي في جيله
وقرر أنه يعدل طريقة أكله بعد ما ارتبط بخطيبته (اللي هي مراته حالياً)
قطع السكر الأبيض من حياته تماماً وأي سكر مضاف في بدايات سنة ٢٠١١
ولمدة ٣ سنين كان معتمد في غذائه علي الدهون الصحية، البروتين والكاربوهيدرات من مصادر طبيعية زي الخضار وبعض أنواع الفاكهة.
كان بيسمع كتير عن أضرار السكر، فقرر أنه يجرب بنفسه وعلي جسمه، بمساعدة فريق طبي، أنه يجرب تأثير السكر عليه بكمية تساوي متوسط ما يستهلكه المواطن الأسترالي الطبيعي يومياً.
قرر أنه ولمدة ٦٠ يوم هياكل ما يروج له بأنه (أكل صحي) وقرر أنه في أغلب التجربة مش هيستخدم سكر أبيض مضاف وهيكتفي بالسكر الموجود طبيعي في كل المنتجات منخفضة الدهون Low Fat الصحية. (أو المفترض أنها صحية)
مثال عليها العصاير والألبان والزبادي السيريال والجرانولا وهكذا..
بعدها سافر كذا بلد بثقافات مختلفة علشان يقارن بين طريقة أكلهم ومتوسط إستهلاكهم للسكر.
عمل كل ده لمدة ٦٠ يوم وسجل كل ده سنة ٢٠١٤ متصور في فيلم من تمثيله وإخراجه وسماه That Sugar Film
الرابط:
https://vimeo.com/277876062
|