marwaadelkamel's Journal, 24 Jun 19

اولا الموضوع مش موضوع عزيمة ولا حاجة ، اللى بيحصل ان جسمك بيكون مفتقد عناصر معينة فالمخ بيترجمها جوع ، علشان كدا لازم تنوعى فى مصادر غذائك وتعملى اكلات جديدة لكسر الروتين ، وكترى جدا من الالياف والبروتين والكربوهيدرات المعقدة الموجودة فى الخضروات والفاكهة وبلاش الكربوهيدرات البسيطة والسكر لانها بتسبب الجوع السريع ... وبعدين الموضوع دا تسعين فى المائة منه نفسى ، فياريت بلاش تقسوا على نفسك وبلاش كلام عزيمة وارادة والحاجات المحبطة دى ، لازم يبقى فى يوم على الاقل كل شهر يبقى فيه لخبطة علشان الحرق يفضل عالى ، وياريت تعيش اللحظة يعنى اكلت حاجة الدنيا متهدتش يعنى خلاص امحيها تماما من الذاكرة واكمل يومى عادى .... وبالتوفيق انشاء الله 

سؤالك ده جه على الجرح يا بنتي 😂 😂 بصي .. اللي يقولك ما بضعفش يبقى كذاب 👌 كله بييجي عليه وقت ويكسر الدايت حتى ولو يوم واحد ويرجع تاني.. لكن لازم يكون عندك ادارة للموقف.. بمعنى ما تخليش هدفك وزن معين.. ما هو الوزن ده عمره ما هييجي والوقت هيفضل يعدي ... انا مثلا عامله هدفي العيد الكبير ان شاء الله 👍 وعامله عد تنازلي عندي على الموبايل بيقولي فاضل كام يوم.. كل ما تيجي حاجه قدامي وتغريني بفتكر ان فاضل 48يوم على العيد الكبير وانا عايزه اشتري لبس جديد وافرح بشكلي قدام جوزي واهلي وحماتي 😂 فكل ما بشوف حاجه تغريني.. افتكر ان خلاص مافيش وقت للخبطة... طيب لما اوصل للي عايزاه والعيد ييجي؟ هعمل ريفيد او لخبطة يومين افرح فيهم بشبابي.. وهبدأ احط هدف جديد.. عيد جوازي مثلا.. اليوم اللي هنسافر فيه للمصيف.. دخلة الشتا ولبس الشتا الجديد وما يبقاش شكلي في البيجامة القطيفة.. دبدوبة لابسة دبدوبة 😂😂😂.. وهكذا والسنة كلها مناسبات 👍👍 ومحدده اهداف بسيطه يعني 10كيلو او خمسه كيلو مش بقول محتاجه انزل في الفتره دي 50ك مثلا لا انا بقالي 16 سنه تخينه.. لو خسيت في سنتين او تلاته مش كتير على دهون بقالها كل السنين دي مريحه دماغي خالص 👍👍 لكن زي ما قلتلك... في إدارة للموقف  

شكرًا بجد علي كلامكوا اثر فيا جداا ودا هيخليني اكمل تاني و مستسلمش للإحباط علي طول ربنا يجازيكوا خير وانا عملت save لكلامكوا عندي بحيث كل ما اضعف يكون دا مصدر قوتي ❤️ وحلوه فكره الاهداف الصغيره دي واني أحط توقيت ليها وكدا ان شاء الله انفذها 

ربنا معاكي ان شاء الله تحققي كل اهدافك 👍👍 

ربنا يوفقك انشاء الله