Om habiba2020's Journal, 10 Jun 20

عاوزة اتابع نظام كيتو واسجل على البرنامج ومش عارفة ولا عارفة اية إللى اقدر اكله واية لا ممكن تساعديني... انا اول يوم والوجبه كانت ٣٠٠ جرام كبدة فراخ بالسمن البلدى ومعها خير وطماطم وخس كابوتشى و تقريبا كوب بامية بصلصة مسبكة... دا غدا بعد صيام ١٨ ساعة والعشاء تقريبا ٢٥٠ زبادى كامل الدسم مع ٢ خيارة ونص ليمون صغيرة .. وعلى مدار اليوم ٤ كوب قهوة بندق ... انا مفروض ليا ٢٠٠٠ سعر بس انا مش عارفة إللى كلته دا كيتو ولا لأ وهما كام سعر حرارى .. يكون جزاكى الله خير ان قبلتى بالمساعدة  

ayaahmed3321 ان شاء الله ربنا يوفقك وهتتعرفي على كل شىء بالتدريج هقولك مثال حساب الوجبه الي انتي كتباها من البرنامج: كبده بقري beef liver ابحثي مثلا كبده هيجبللك من ضمن السيرش دي هتدخلي وتعدلي الوزن مثلا ٣٠٠جم هتلاقي ٥٧٣ سعر السمن هتلاقي انواع المراعي وغيرها والبلدي زي المراعي او اسمها buffalo ghee وتدخلي الجرامات مثلا ١٠ جم فيهم٩١ سعر و١٠جم دهون. وهكذا انا معرفش احسبهالك لان مش كل الاوزان امامي انا اديتك امثله للبحث النقطه الثانيه الخيار والطماطم متكتريش منهم خليكي في الورقيات خس وجرجير وبقدونس وكرفس ..... الباميا ممتازه بس خلي طماطم كميه صغيره بلاش صلصه مصنعه اعملي الصلصه في البيت بالنسبه للبن والزبادي بلاش علشان سكر اللكتوز عالي فيهم البدائل القشده مزج مع ماء ساخن هتدي لبن كيتو والزبادي اليوناني بالنسبه للقهوه بالبندق الجاهزه بيكون فيها مبيضات ولبن بودر اعمليها بمزج النسكافيه البلاك ومطحون البندق لو بتحبيها كده وجربي القهوه بالزبده رائعه هتلاقي طرق متعدده لها على النت اسمها قهوه بولت بروف واحسبي المكونات علشان تعرفي بتاخدي قد ايه يارب اكون افدتك وربنا ينفعنا وينفعكم ان شاء الله في وصفات مصوراها بالمكونات في بوستاتي حاولي تشوفيها وانا تحت امرك 🌷🌷 

جزاك الله خير ويارب يجعلك فى ميزان حسناتك وسمحينى حزعجك كتير 

جزانا واياكم اللهم امين ومفيش ازعاج ولا حاجه ربنا يباركلك🌹🌹 

الصيام المتقطع مبيخسش عن تجربة 

الصيام المتقطع نظام مساعد وليس اساسي لو عملته واكلت عادي من غير نظام غذائي وحساب سعرات مش هتخس اكيد لكن شروطه ان يكون معاه نظام غذائي متزن او نظام الكيتو وبالنسبه ليا ساعد مع الكيتو على: تظبيط نسبه السكر في الدم انا كنت باخد انسولين دلوقتي جلوكفاج ٥٠٠ للتنظيم فقط بمتابعه طبيب طبعا تقليل وعلاج الالتهابات بالجسم تسهيل دخول الجسم الحاله الكيتونيه عند اتباع الكيتوجينك دايت تجديد الخلايا وتحفيز هرمون النمو وافيد واروع منه صيامنا الاسلامي مع اتباع الشروط للشرب الكافي والاكل الشافي 😊😊