مش مشكلة لما تلغبطي دي حاجة عاديه احنا في النهاية بشر، المهم متحسيش بالذنب وحاولي تتعايشي في سلام مع الأمر وان ده هيحصل تاني وانه أمر طبيعي. أنا لما بلغبط في وجبة او اكل حاجة سعراتها الحرارية عالية باخد بالي باقي اليوم وأحاول ملغبطش تاني، وبتكملي بعدها دايت وكأن مفيش حاجة حصلت وعلى فكرة هتلاقي اللغبطة دي مره كل فترة عادي مش بتأثر ع الميزان طالما بتاخدي بالك بعدين.
31 Jul 20 by member: Mila Adam
|
عادى انا بيحصلي كده وبعديها برجع التزم تاني 💜
31 Jul 20 by member: salmakimmh
|
زي مقالتلك mila بلاش ندم ياقمر
بس هقولك التوتر الي انتي فيه وغالبا اكيد في أرق او بتنامي كتير بسبب التوتر وده الي مخليكي عندك رغبه في ااسكريات
⬅️ خففي توترك بالرياضه وتمارين التنفس
⬅️ سنك صغير بلاش الاوماد اكتر من مره في الشهر لانه بيلغبط الهرمونات وبالتالي بيأثر على هرمون الشبع والجوع
⬅️ اعملي بقى دارك شوكليت في البيت بسكر بديل تاخدي منها بتسد معاكي 😉اضحكي على جسمك بيها وعمرها متزود سعراتك (نصف كوب زبده +نصف كوب كاكاو خام نوعيه حلوه +سكر بديل حسب الذوق ⬅️مكس على حمام ماء ساخن وصبي في قوالب ثلج او صنيه وقسميها)
⬅️متزوديش صيام عن ١٦ ساعه وخدي يومين اجازه من الصيام وكملي سعرات يومك
🌹ان شاء الله تظبط معاكي ياريحانه 🌹
31 Jul 20 by member: Om habiba2020
|
لو لقيتي نفسك بتلغبطي كتير ومش بيبقي عندك الحماس أنك تكملي ده غالبا بيكون أن السبب الحقيقي الي عايزة تخسي عشانة مش قوي كفاية علشان كدة مش بيديكي الدافع أنك تكملي غيري السبب حاولي تسألي نفسك بجد انت عايزة تخسي لية اي أكتر حاجة بتدايقك بجد ونفسك تتغير لما تعرفي الحاجة دي هتبطلي تلغبطي
31 Jul 20 by member: Soosss
|
شكرا جدا و الله على تعليقاتكم هجرب الشوكولاتة دي يا أم حبيبة و إن شاء الله أكيد هتعجبني، بالنسبة ل OMAD مش عارفة بس برتاح عليه لان عندي مشاكل ف القولون و أول ما بدأت اعمل OMAD من شهر تقريبا اختفت المشاكل دي تماما الحمد لله، بس هجرب صيام ١٦ ساعة و آخد مرة OMAD ف
الأسبوع
ادعولي ربنا يوفقني السنة دي و يختارلي الأحسن 💟
31 Jul 20 by member: ريحانة الحسين
|
ربنا يوفقك ريحانه انتي وكل الطلبه ويكلل تعبكم بالنجاح ابني في سنك تقريبا ربنا يسعدكم ويوفقكم 💕💕💕
31 Jul 20 by member: Om habiba2020
|
اعملي دايت بريك لمدة اسبوعين
وكلي سعرات الثبات
ممكن يكون بقالك فترة كبيرة ع الدايت.
بس متزوديش عن اسبوعين
وحاولي كل ٣ اسابيع دايت معاهم اسبوعين بريك
بس الاكل يكون صحي. ومحسوب
01 Aug 20 by member: Mahmoud Ahmed 61089
|