انا جديده معاكو وعاوزة انزل ١٠ كيلو واحسب سعراتى فاليوم اللى استخدمتها اعمل ايه
01 Apr 21 by member: hanaasalim747
|
اهلا بيكي hanaa
بنحسب RDI ودي كميه السعرات الي محتجاها الجسم في اليوم موجوده في الاعدادات بتدخلي بيناتك وتختار هدفك ونشاطك بيحسبللك سعراتك الي محتجها الجسم علشان يخس او يخس ببطء
➡️
ثالثا : هنقسم سعراتنا حسب نظامنا بعمل اي~ بدخل التقارير بدوس علامه 🎯 الاهداف بيظهر عندي مغذيات كبرى في احد الانظمه اللوكارب دايت (مجرد مثال) هقسم كالتالي :
كاربوهيدرات ٢٥_٣٠٪ تلقائي هيعطيك محتاج من ١١٢جم _١٣٣جم كاربوهيدرات طبعا انا حسباه بالزياده لان في الياف
بروتين. ٢٥_٣٠٪
دهون. ٤٠_٥٠٪
في مغذيات اخرى مثال
الالياف نساء ٢٥ جم رجال ٣٥جم
سكريات متزدش عن ٥٠ جم
والصوديوم. استندر ميزدش عن ١٥٠٠
والبوتاسيوم بردو نحاول نحصل على ٢٦٠٠
وبعدين هنبداء نسجل في اليوميات الاكل الي بناكله
هندور على نوع الاكل ونحدد كميات ولو مطهي ولا في حالته هيعطي سعراته ونسب المواد تلقائي
.
والبرنامج وظيفته توضيحيه احنا المتحكمين في الي بنتناوله وانت الي بتحدد وجباتك ونظامك الي هتمشي عليه
وبالتوفيق ان شاء الله 💐
01 Apr 21 by member: Om habiba2020
|
أم حبيبة:
حضرتك عرفتي منين إن السكر ميزدش عن 50 جم، والصوديوم 1.5 جم؟
01 Apr 21 by member: wael45
|
Wael انا كاتبه ده مجرد مثال وده بينطبق على متبعي اللو كارب بالنسبه للسكريات
اما الصوديوم والبوتاسيوم ده الاستندر لاحتياجات الجسم عموما
01 Apr 21 by member: Om habiba2020
|
ممكن معلومات عن الأوماد ؟ عشان لو كان مناسب أطبقه ف شهر رمضان ؟
01 Apr 21 by member: lobna rady
|
01 Apr 21 by member: tasneemmohammad131
|
Lobna الاوماد نوع من الصيام المتقطع ٢٤ ساعه يعني وجبه واحده باليوم تقسم خلال ساعه او اثنين انا دايما باخدها وجبه خفيفه بفطر عليها فيها التمر والماء ومشروب وفاكهه وبعدها الوجبه الرئيسيه بتكون بروتين بدهون صحيه وخضار وحلو لوكارب
في الكيتو بردو حلويات تناسب الكيتو وبدل التمر والفاكهه بضع فرولات او افوكادو او مكسرات
⬅️ لو انتي واخده على الصيام المتقطع تمام ممكن تجربي بس مش متواصل للنساء اصغر من ٤٥عام لانها بتأثر على الهرمونات يعني صيام عادي ١٤ او ١٦ ساعه وتعملي يوم او اتنين اوماد حسب مقدرتك
⬅️ ونصيحه بشوف ناس بتعمل صيام متقطع واوماد مع نظام سعرات وبتاكل نشويات وسكريات كتير لما تفطر وده كده مبيعملش تأثير لفقد الوزن وممكن يثبت او يزود تخزين الجسم غير هتجوع بسرعه كمان فالافضل
نظام لوكارب +صيام متقطع
بالتوفيق ان شاء الله
01 Apr 21 by member: Om habiba2020
|
01 Apr 21 by member: Om habiba2020
|
om habiba 2020 نظام الصيام المتقطع و حساب السعرات انا ماشيه عليهم هجربه معاهم يوم او اثنين ف الأسبوع زي ما حضرتك شرحتي .. شكرا جزيلا ليكي و متوفقه دايما يارب ❤❤❤❤🌹🌹🌹🌹🌹
01 Apr 21 by member: lobna rady
|
العفو lobna ربنا يوفقك 💪 💪
02 Apr 21 by member: Om habiba2020
|
طب معني كده ياام خالد مفيش سحور في رمضان بنتكتفي بوجبه خفيفه قبل الصلاه المغرب ووجبه الرئيسيه بعد الصلاه وخلاص علي كده ولا بنتسحر عادى؟
04 Apr 21 by member: nermeen2020
|
معظم الوقت رمضان الي فات كنت بعمل كده مع الكيتو وحسب احتياج الجسم لو لقيت نفسي بجوع هقسمها لافطار مقسم زي مقلت ووجبه خفيفه كسحور على ١٢ بليل يعني تعمل ١٨ ساعه صيام تقريبا او ظبطي السحور على الوقت الي يعمل عدد ساعات الصيام المناسبه لكي بالتوفيق ان شاء الله 💪
05 Apr 21 by member: Om habiba2020
|