لا ألعب الاتنين سوا هتوصل للـ 75 بس هتأخذ وقت أطول شوية بس لما توصل هتوصل بشكل صحي أكثر وحضرتك هيبقى عندك كتلة عضلية كويسة جداً 💪🏻
08 Sep 21 by member: Esra'a Radwan
|
الرياضة هتظبط شكل الجسم، وحتى لو لم تصل ل 75 فاللي هيشوفك هيعتقد أنه وزنك 75 أو أقل...
بس الأهم انك تكون تعافيت تماما، وما فيش أي تأثير من الرياضة على كتف حضرتك
08 Sep 21 by member: esraa95mansour
|
انا كنت فى نفس الحيرة اللى حضرتك فيها . انا نازل من ١٠٨ لحد ٩٣ وهدفى لل ٧٦ .
ونازل لحد ٩٣ كجم من غير كارديو ( أكل بس وبينج بونج وبحر ).
كنت مخطط تمارين المقاومة لما انزل تحت ٩٠ بس كل النصائح كان بتوجهنى للاثنين مع بعض من دلوقتى.
بجانب النمو العضلى مش بيبقى بنفس حرق الدهون . على حد معلوماتى اقصى نمو عضلى لو الدنيا منتظمة جدا وكل العوامل متوفرة هى كيلو ونص شهريا وبالتالى لو متوسط انخفاض الدهون ٤ كيلو شهريا فحضرتك حتلاقى نفسك بتقل ٢ كيلو ونص على الميزان
وبكده الميزان بيتغير والعضل بيزيد فى نفس الوقت
08 Sep 21 by member: mks1805
|
توضيح
معدل النمو العضلى كيلو ونص شهريا فى اول عام من التمارين بعد العام الثانى المعدل بيقل فى حالة ان الشخص طبيعى مش بيستخدم هرمونات
08 Sep 21 by member: mks1805
|
ملاحظة نصيحتي دي بفرض انه الرقم مش مصيري، يعني مش من شروط القبول في وظيفة مثلا.
لو كان الرقم مهم عشان وظيفة مثلا، فهنوقف الرياضة.
08 Sep 21 by member: esraa95mansour
|
Esra'a
تمام شكرا يا إسراء تسلمي 🙏
08 Sep 21 by member: drshaltout87
|
esraa
انتي عندك حق فعلا .. أنا أصلا كل اللي حواليا مستكترين ال 82 ك عليا كشكل .. و بالنسبه للوظيفه فأنا مدير نفسي الحمدلله 😅 إلا إذا كان المرضي عندهم مواصفات وزن معين في الدكتور بتاعهم 😂
08 Sep 21 by member: drshaltout87
|
mks
شكرا يا محمد علي المعلومه .. لو فعلا موضوع النمو العضلي و نزول الدهون ده يبقي كدا مشكلتي إتحلت .. طالما هاشوف الميزان بيقل هابقي نفسياً مرتاح
08 Sep 21 by member: drshaltout87
|
عضل يراجل كارديو اي بس ممكن. بالكارديو دا بس ينزلك عضلات مش دهون خلي اغلبيه تمرينك مقومه وخلي يوم او يومين كارديو للعلم تمرينه المقومه بتخليك تحرق فسعرات طوال اليوم وفي كمان بدون المقومه جسمك يكون مش مشدود من وجه نظري المقومه رقم واحد
|
08 Sep 21 by member: drshaltout87
|
من رائي كل ما العضل هيزيد مقاومه جسمك لحرق الدهون اول باول هتزيد انسي الميزان احنا بنخس اولا عشان الصحه واحساسنا بالنشاط والحيوية وثانيا عشان شكلنا الخارجي يهون مهندم
08 Sep 21 by member: raa14498
|
لو حضرتك دكتور في علاج السمنة أكيد هيفرق مع المرضى أنه وزنك ما يكونش زايد...
لكن أي طبيب آخر، لا أظن هيهم المرضى...
08 Sep 21 by member: esraa95mansour
|
لازم تلعب جيم لان كارديو ودايت من غير جيم يجيلك ترهلات انزل جيم واتمرن
08 Sep 21 by member: mohamed salah121
|
انا من رأيي اغلب الناس الجيم هيفرق معاك جدآ في الشكل ومعدلات الحرق كمان اظن دة الأهم دلوقتي من نزول وزن ع الميزان ممكن يرجع بشوية لخبطة بسيطة إنما المقاومة هتخلي جسمك يحرق اكتر بكتير وهتفيد صحتك وشكلك اكتر بكتير برضوا وربنا معاك وتوصل للي بنتمناه إن شاء الله
08 Sep 21 by member: SaHar M Ali
|
raa & esraa & mohamed & SaHar
شكراً ليكم كلكم ع الدعم و النصيحه 🌹🌹.. أنا فعلا إقتنعت إن ده الرأي الصح و هكمل في المقاومه إن شاء الله في البيت لحد مانزل الجيم
09 Sep 21 by member: drshaltout87
|
خف كارديو شويه و العب مقاومة
لو على الميزان فا انت عمتا احسن انك تعمل inbody عند اى صيدلية او فى الجيم بتااعك بس تثبت على ميزان واحد
(الزيادة العضليه مع نقص الدهون هتخلى شكلك احسن بكتير من نقص دهون و عضلات)
09 Sep 21 by member: Youssef Emad Kamal
|
اعمل الحاجه اللي تقدر تواصل عليها فتره طويله اكيد انت عارف نفسك ووقتك وطاقتك اهم حاجه انك تواصل بس طبعا لو لعبت شويه كارديو ١٥ دقيقه مثلا ولعبت حديد بعدها بجيب معاك نتيجه كويسه عن تجربه . وربنا يعينك ويعنا
09 Sep 21 by member: a.elshafey
|
Youssef
ده اللي بدأت اعمله فعلا .. شكرا يوسف 🙏
09 Sep 21 by member: drshaltout87
|
a. elshafey
عندك حق .. مشكلتي في الجيم هي وقتي .. لكن بالدامبلز و الباند في البيت ممكن أستمر عليهم إن شاء الله
09 Sep 21 by member: drshaltout87
|
لو نزلت لحد ال 75 منغير جيم الترهلات هتزعلك جامد
09 Sep 21 by member: Ahmad Khalaf1
|