بسيطه ان شاء الله 💪
كل الحكايه في اللوكارب اننا بنمنع ٣ حاجات
السكر والدقيق والدهون المهدرجه زي زيت النخيل والذره......
⬅️ وبنحل مكانهم الكاربوهيدرات النظيفه والمعقده
الخضار باانواعه / الشوفان والكينوا والبذور زي السمسم والشيا..... والبقوليات كالفول والحمص...... /الفاكهه بانواعها يفضل الانواع التاليه ( الفراوله والتوت الاحمر والاسود /التفاح الاخضر /الحمضيات /الافوكادو........ اي انواع اخرى كميات ضئيله منها)
⬅️ بنزود البروتينات والخضار
⬅️ استخدام الدهون الصحيه (الزبده الطبيعي /السمن البلدي /زيت الزيتون والافوكادو وجوز الهند /الشحم (دهون المصاحبه للحوم) بشكل معتدل
وطبعا مصادر اخرى مهمه للدهون والكارب النظيف المكسرات بس نكنترول الكميات
⬅️ بالنسبه للالبان تفضل كاملة الدسم والزبادي اليوناني والاجبان الطبيعيه بإعتدال
⬅️ ⬅️أهم حاجه في الموضوع وعلشان تحصلي افضل نتائج من اللوكارب الصيام المتقطع ونوقف السناكس ويكون ضمن وقت الوجبات نبدء تدريجي صيام ١٢ ساعه وتقسيم ٣ وجبات ١٢ ساعه بينهم مفيش سناك
يعني مثلا👀👀 الفطار
بيض وقريش وخضروات وشريحة خبز شوفان او سمسم قبلها بنصف ساعه فاكهه او حلويات صحيه بسكر بديل او قطعة دارك شوكليت فوق ٨٠٪ وكافي👀👀
وهكذا نزود عدد ساعات الصيام لما نوصل ١٦ ساعه مع وجبتين معاهم سناكهم خلال ٨ ساعات بينهم صيام بردو
⬅️ الصيام المتقطع صيام عن الطعام فقط مسموح بالشاي والقهوه والاعشاب خالية السكر تماما لا دايت ولا عادي طبعا
⬅️ بنحافظ على املاح الجسم بشرب ماء بخل تفاح وملح بحري او هيمالايا وعصرة نصف ليمونه خلال الصيام او قبل الوجبات
وبالتوفيق في فديوهات تشرحلك افضل لد. بيرج او د. وعد .....