Doctor tooth🦷's Journal, 02 Mar 22

مفروض نحاول نوجه استهلاكنا للكربوهيدارات المعقده ده افضل من عدد السعرات او الجرامات بشكل عام ولو بتعملي صيام متقطع يفضل تمنعي الكربوهيدرات في وجبة الفطار اللي بتكسري بيها الصيام وده كله هيعتمد علي النظام اللي مختاراه  

ممكن تقوليلي زى ايه مثلاً الكربوهيدرات المعقده ؟ وانا مش ماشيه على نظام اوى بس غالباً بيبقى صيام متقطع لان ببطل اكل حوالى ١٤او ١٥ساعه  

بصي انا عامله لو كارب مع صيام متقطع وجبة الفطار مبكلش فيها اي كارب ولو اكلت باكل شوفان وده كارب معقد وسعراته منخفضه وكمان مفيهوش سكر لو انتي ماشيه علب نظام لو كالوري أمثله الكارب المعقد الشوفان او الكينوا تحاول تدخليهم في وجباتك كحبوب او كا دقيق  

مش مهم اوي تحسبي الكميه على قد مصدره ايه يعني ١٠جم كارب من خضار مش زي ١٠جم من معجنات بالدقيق اكيد الخضار حتى لو بطاطس افضل 👏 حتى طريقة الطهي مهمه المسلوق مش زي المقلي وكمان مهم عدد المرات الي هتاكلي فيها نشويات يعني يفضل في وجبه واحده وكميه معتدله لو بتعملي صيام متقطع واللوكارب حدود الكارب الصافي ٥٠ ل١٠٠جم وممكن ل١٥٠جم للاوزان الكبيره والنوعيه والكميه وعدد المرات والاعداد مهم 😉  

تمام اصل سمعت ٢٠جرام والكلام دا وانا حتى لو اكلت نص رغيف بلاقى الموضوع عدى معايا غالباً بيبقى على مره واحده فى واجبه واحده والباقى بيبقى مش مصدره الدقيق او الارز بس طمنتينى لما قولتى ١٠٠و٥٠ انا بحاول طبعاً يبقى مسلوق وقمح كامل معظم الاكل والله المعين 

تحت ٥٠جم ده لوكارب ميال للكيتو وتحت ٢٠جم ده كيتو أوي 😂😂 

تمام تسلموا جميعاً