مودة ...'s Journal, 03 Jul 22

فشار بالكراميل؟  

حاسة ان عايزة اعيط سيكا  

الدهون هي المشكلة فعلا بس المكرونة و السكريات لا مفهاش حاجة اصوت طيب؟ 😂 

صيام السيدات مش اكتر من 15 ساعة عشان الهرمونات ده اولا ثانيا ليه فشار و كراميل ليه بجد والله نشويات بسكر يالهوي يانا ياما 😂 فيه طرق احسن من كده لو خلاص مش قادرين عايزين سناكس فيه حلويات بتتعمل بالشوفان و بسكر ستيفيا و فيه كيك لو كارب و حاجات احسن من كده بكتير المشكلة مش السعرات بس محدش يقدر يحسب السعرات بالظبط اصلا كل ده كلام تقريبي كمان مش دقيق اوي لدرجة اننا ناخد بيه المشكلة في خلط نشويات مع دهون المشكلة في خلط النشويات بسكر المشكلة في اكل السكريات المشكلة في سناكس بين الوجبات المشكلة مش في الدهون نفسها الدهون هي المصدر الاساسي للشبع و هي المصدر اللي بيتغذى عليه المخ و مسئولة عن اغلب الهرمونات في الجسم مع البروتين بس دهون صحية حيوانية مش نباتية و مش مهدرجة و ده من زمن الزمن قبل ما ييجي الانسان العاقل يخترعلنا فشار و شيبسي و بيبسي و كل العك ده النشويات المتحولة زي ان اجيب قمح و اطحنة و اعجنه و اخمره و يتحول لمكرونة و عيش و توست و مخبوزات هي دي النشويات المضرة و هي دي اصل المشكلة نفسها مش موضوع سعرات بس بصوا للاكل من منظور صحي و لا غير صحي و ايه اثاره على الجسم و الانسولين و ايه الضرر من السكر و ايه الضرر من النشويات عيدوا التفكير في الاكل  

خلاص انا اسفه اعيط طيب انا عارفه انى عكيت ومعترفه  

يا جماعة بلاش القلق والتوتر من لغبطة الأكل Cortisol لأن دا بيعلي هرمون و دا بيوقف الحرق تماماً خلاص اللي حصل حصل الندم مش هايفيد و بعدين دا طبيعي جدا انو يحصل عادي المهم منستمرش في اللغبطة ونرجع بسرعة للحرق من تاني بإني اصوم فترة اطول بعد اللغبطة كمان بعد الوجبة اللي لغبطت فيها مباشرةً نتمشي من ربع لنص ساعة دا مبيقلل مستوي السكر في الدم بشكل كبير وتقدر تتأكد من دا ب انك تقيس السكر قبل وبعد المشي هاتشوف فرق كبير في مستوي السكر و كمان التزم بالاكل المكتوب او المناسب لهدفي و بالتوفيق إنشاء الله