Eng.'Mohamed''s Journal, 20 Aug 23

كده فى مشكلة جوع عاطفي ومحتاج تسيطر عليها لأنها حالة مدمرة حرفيا  

يبقي كدا مفيش هدف او الهدف مش واضح بخطه انا كنت كدا برضو 😂😂 

متسيبيش نفسك لمزاجك يافاطيمة انا فضلت سنين فى الدايرة دى وحقيقي مؤذية جدا حاولى تقاومى وتسيطري قدر المستطاع  

يعني اي جوع عاطفي يامودة انا بحاول ماخدش حاجه بس مثلا بكون مضغوط تيجي امامي مكرونة باشميل نفس اليوم بسبوسة نفس اليوم عصاير مانجه مثلا وحاجات تانيه 😂اعرف ازاي ده عاطفي ولا ببقه مضغوط ولا اسيطر ازاي بس انا ببقه مفيش ضمير خالص وقتها وقبلها محشي وفراخ وملوخيا وفطار جامد لا لا المنظر مش عاطفي ده خالص 😂😂 

في هدف ياعمورا ووصلت له بحاول اظبط بس عشان الفترة رياضيا اكون كويس الفكرة عارف لما تكون قدامك مكرونة باشميل سخنه وانت بتحبها بتنعدم المقاومة خالص او بانية ومكرونه او محشي منوع وسخن بالبخار كده بص انا وقتها لو هصوم شهر بعدها بس باكل  

فعلا يافاطيمة خاصة لما تكون كده اكيل وبتحب الاكل وكده بتحس مع شوية لخبطة وضغوط فاليوم اوقات بيحصل العكس واقولي الاكله دي اللي هتظبطلي يومي ووقتها مابعدش اصلا سعرات خالص😂😂 

اللى حضرتك بتقوله يا بشمهندس هو بعينه الجوع العاطفي انك بتاكل حسب الحالة المزاجية يعنى لو مضغوط او مضايق يا اما بتاكل كتير جدا بتحط غيظك فى الأكل او بتمنع اكل خالص وحقيقي الدايرة دى كارثة انا عيشت فيها سنين انا فى لحظة يأس من نفسي دعيت انى اخس حتى لو بمرض يخسسني متخيلين وبجد ندمت وبستغفر ربنا انى يئست من رحمته كده والحمد لله حاليا الدنيا بقيت احسن اهو لما تكون مضغوط العب رياضة حط غيظك فى الرياضة مش الأكل تعامل مع الأكل كوسيلة نعيش بيها مش اكتر  

اعملى اهداف صغيرة يا فاطيمة شبه السلسلة يعنى مثلا انا حاطه التارجت لنفسي اوصل ل٨٠ وبعد ما احققه هعدله ل٧٠ على مدار الرحلة بقى فى أهداف صغيرة زى تحدى انى هدخل مكان أو مطعم ومش هلغبط زى خروجة مع اصحابي فيها ما لذ وطاب وأخرج وارجع بدون لغبطة أهداف يومية فهماني ومش ضاغطة نفسي ومش ببص على الهدف الكبير كل شوية علشان مستعجلش وصلت لمرحلة الاستمتاع بالرحلة ايا كان موعد الوصول وفى الطريق القناعات اتغيرت والتفكير اختلف وحبي لنفسي وصداقتي مع جسمى زادت فهماني 

الديت حسب المود فعلا انا كدا 

بصراحة يامودة عندك حق بس مببقاش متغاظ ولا حاجه انا ببقه قاعد الاقي الاكل نزل امامي مش بفتكر حاجه بقه غير وانا بيقولولي هتشرب ايه مثلا😂😂😂 بس انا بسيطر بعدها كام يوم بصراحه بظبط الكلام بس تشجيعا ليكي انتي برافو عليكي ماشاء الله جدا والخطوات فعلا اللي قولتيها عمليه جدا ومحفزة