Eng.'Mohamed''s Journal, 06 Feb 24

هي دي الخطة الحقيقة 🙂 بحاول اشيل كل الوزن الزيادة و كل الدهون العنيدة عشان اخش علي مرحلة البناء علي نظيف زيادة الكتلة العضلية هي الحل الوحيد عشان الخيارات تزيد قدام الواحد اعرف ناس ما شاء الله سعرات التثبيت فقط ٣٥٠٠ الي ٣٨٠٠ سعر  

ibrahimhager ♥️♥️♥️🤩🤸 

Acmaaa مين فينا يروح يتعالج بالظبط انا ولا ibrahimhager 🤣🤣 توكسك اي وبتنجان اي متاخدش ولا متاخديش الكلام جد اوي كده دي فضفضه والله 😂 

Acmaaa مكنتش هرد تاني بس للاسف محتاج اوضحلك حاجه لك شخصيا لو حضرتك شايف/شايفه نصيحة تقدر تقدمها اكتبها عشان كلنا نستفيد متردش بطريقة aggressive كده دايما بيقولك الشخص الطبيعي المتحضر بيقدر يحتوي كل المواقف بطريقة شيك شويا وعموما نورتنا ♥️ 

طيب عندى فكرة انا بعملها مع نفسي ممكن تاكل كل الحاجات اللى بتحبها دى كل اسبوعين مرة في يوم الراحه من التمرين ويوم الفرى خليهم دايما يوم واحد واستمتع بالاكله اللى تحبها فى اليوم دا بجد هتبتدى تانى الحياه الصحيه 👌ودا اللى بسميه مش دايت من اول وجديد بطاقه حلوه وتبقي محرمتش نفسك من حاجه ...وكمان لازم ناخد بالنا ان مرحله نزولنا للوزن مش سباق او وقت محدد لان لو هى كدا بتكون فترة مؤقته واول ما نوصل للوزن اللى عاوزينه بنبطل كل حاجه  

ممتاز كلامك صحيح ♥️mahesta اللي حصل وسبب كتابة الكلام ان امس وانا مروح محتاج اتغدي وكان عندي 700 كالوري جت نفسي في دونتس سعراتها لوحدها 450 كالوري فقولت لأ روح اتغدي الاول وحصل فعلا والتزمت واكلت بروتين كويس فانا حاليا وزني طبيعي وبتمرن الحمد لله والي حد ما نسبة العضلات مظبوطه للي انا عاوزه بس انا بقول عشان وزني المثالي من 60 الي 78 ممكن اثبت نفسي بدل 75 اخليني 70 بحيث ال 5 كيلو الي 75 دول يبقه عضلات او لو عكيت مره محسش ان خرجت بره اللي عاوزه انا لما بعك باخد مثلا 3000سعر من 1700 فهماني بحب الاكلات الحلوة ممكن مثلا يوم فيه باشميل اكل طبقين 😂🤣🤣🤣 

هي فكره كويسه وناس كتير بتنزل عن وزنها المثالي عشان تدي لنفسها مساحه انها لو اتحطت تحت اي ضغط او ظروف تكون الامور تحت السيطره بس من وجهه نظري دي مش احسن حاجه لان هنفضل طول الوقت عندنا احساس الاطمنان اللي يخلينا ناكل اي حاجه غير صحيه ونفقد السيطره تحت ظرف ان وزننا اقل من المثالي وبدل ما كان وجبه مفتوحه يبقي يوم ويمكن اتنين  

كلامك صحيح فاطيمة 👍 وانا طرحت الموضوع عشان اشوف فعلا هل اللي هعمله صح او خطأ انا عاوز اعمل كده كمان لان اي اجازات بتأثر فيا بطلع من 75 الي 80 كيلو في لحظات فانا عشان اخد بالي هعمل ده تحسبا للجاي بحيث يومين لخبطة غصب عني وانا فالبيت او اجازة او مناسبات لا انا تمام وزي الفل اعتقد كده فهمتوني لان فعلا نقطة ضعفي الاجازات ولمة الاهل والعزومات باكل فيها بجد ومبقدرش اقول لا خاصة ان في حاجات وقتها بتلغي تفكيرك خالص 

طيب ايه احساسك انك مكلتش الدونتس مش بيبقي عندك شعور كدا غريب كدا نفسي اكل دونتس نفس اكل دونتس😂😂😂وبيبقي مسيطر على تفكيرك لحد ما تاكله صح 😂😂 هقولك بقي حكايه السعرات دى ممكن مثلا ناكل اعلى من احتياجات جسمنا فى يوم او يومين لكن الايام اللى بعدها بنظبط وبناكل اقل من احتياجات جسمنا فطبيعى مش هيحصل زياده وكمان التمارين مهمه جدا خصوصا الحديد لانه بيبنى عضل ودا بيساعدنا ان حتى لو لخبطنا ممكن جسمنا ميتاثرش بسهوله  

😂🥸احساسي صعب عاوز اقولك ان من امبارح نفسي اكل دونتس وزعلان فنفسي جدا الفكرة ان بعمل حساب الجمعه والسبت بلخبط فيها دايما فلو متحكمتش فنفسي باقي الاسبوع كده هضرب 🤣🤣🤣 فأخدت قرار ان هاكلها الجمعه ماهي كده كده هتكون بايظة بقا 

طيب متاخد الي نفسك فيه ضمن وجبه متكامله بكميه مش كبيره مني دوتنس كتحليه علشان مشكلة انك نفسك في حاجه ومحوشها للفري دي ان معدتك بتتعب لانك بتفاجئها وايام الاجازه تاخد كميه اكبر شويه بما انه بيضرب مننا بس مش هيكون بشوق للاكله دي اوي وهتقدر تتحكم في الكميات الى حد ما  

ام حبيبة كلامك صح بس انا ان ماخدتش منها اتنين مش هشبع نفسيا 😂🤩 خليني مسيطر كده للخميس الحمد لله ماشي تمام اهو او ممكن بكره افطر بيها عادي مع القهوه وخلاص 

ومن هنا للجمعه نفسك هتكون عماله تقولك اكل اكل دونتس🤣🤣🤣🤣🤣🤣بتعد الايام والساعات علشان تاكلها انا عارفه الاحساس دا 🙈🤣 

😂🤣🥸ايوة والله انا بحبها مع القهوه الصبح انا اصلا بحب الاكل جدا وبزيد بسرعه غير ان اصلا بحب تكون كل حاجه مظبوطه بس وضعي وشغلي مهم فيه انك تكون محافظ فمش عاوز اقولك ان قاعد فاتح اللاب حاليا وشايفها امامي عالشاشه 😂😂😂😂 بس مش هلخبط احنا جامدين بردو قاعد بشرب قرفه بجنزبيل باللبن اهو ام اشوف اخر الانضباط ده هيوديني فين