معلومه على المشي اذكر نفسي واياكم للناس الي بقالها زي سنين نظام غذائي وطبعا الانسان مش كل حاجه بيظبطها انا هدفي الاساسي كان من اخر ٢٠١٩ اني اظبط سكري واعالج تعب الكليه اليمين بسبب السكر العالي كانت انزيمات الكبد عاليه والكيراتين عالي وكلها مدمرات للكلى وكنت مستهلكة للمسكنات بشكل بشع بسبب نوبات الصداع النصفي ووزني عدى ١٢٠ كيلو يعني العربي جايبه ماتور 😂😂
والحمد لله ربنا وفقني لوقفه مع نفسي بتغير نظام حياتي ونظام اكلي مع العلم انا اصلا كنت بهتم بالبروتين والخضار وبعمل الاكل صحي للبيت كله لكن كنت باكل بالخمس مرات ومبحسبش اي سعرات
بدئت ادور على حل لتخفيض السكري بالاكل لان الى الان عندي روشته دكتور السكر وهو بيغير علاجي من ادويه فمويه للسكر لجرعات انسولين حقن شيلت الروشيته مصرفتهاش وعملت تحدي مع نفسي اني انزل التراكمي من ١٢ ل٨ في خلال ٣ شهور مبدئيا ده هيكون كونترول حلو جدا بالنسبه لحالتي السابقه مشيت لوكارب قرأت وشوفت وسمعت تجارب للناس مع انظمة اللوكارب عجبني الكيتو كحل مثالي وان في ناس عالجت السكر عليه ال٣ شهور منعت السكر والدقيق والدهون المهدرجه والمصنعات بالتدريج للبيت كله لان اوزاني ولادي عليت بردو حبه حبه دخلت الكيتو بشكل كلي بعد شهرين وبعد ٣ شهور حللت تراكمي السكر ٦.٥ بجد كنت ببكي في اليوم ده ومش عارفه اعمل ايه علشان اشكر ربنا الحمد لله... الحمد لله غير فقد ٥ او ٦ كيلو تقريبا لاني مكنتش لسه بعمل عجز سعرات بس لغيت نشويات صريحه وسكر من حياتي وقللتها بدرجه معقوله لاولادي الدكتور مكنش مصدق نتيجه تحليلي وخلاني عملتا في معمل تاني 😁😁 وخفض الدواء للنص او اكثر بعد فتره من شنطه الحاجه المليانه ادويه بقى جلوكوفاج وفايتامينات والحمد لله
استمريت ٦ شهور كيتو نزلت معظم وزني الي سجلته ووصلت للثمانينات بس لما وقفت ورغم محاوله الحفاظ وطبعا كل فتره الواحد بيضعف غصب عنه سفر وعزومات.... الخ زدت للتسعينات لكن لم اتخطها الحمد لله ومشيت لوكارب لان طبيعه حياتي مش مناسبه للاستمرار عليه متابعه السكر في الدم والحمد لله التراكمي مظبوط وفي رنج معقول بس في حاجات افورت في تناولها وحاجات اهملت في تناولها سببت الحصوات
🌷اهملت المايه فترات وخاصتا الصيام المطول بنسي اني صايمه صيام متفطع وبنسي الماء ودي اهم نقطه
🌷 شرب شاي اسود كتير جدا وبحبه مغلي كمان 😭😭 ودي بلوه مليان اوكسيلات
🌷 مدمنة دارك شوكليت وكاكاو مع الشاي 🙄🙄 التنين مع بعض
🌷 بردو الفول السوداني مليان اوكسلات
🌷 السبانخ بكثره
طبعا في حاجات تانيه زي البنجر والبطاطس والكاجو والرده او النخاله....
في العموم لو مش مريض سكر ومعتدل مفيش مشكله لان الجسم بيصرفها من الامعاء وبترتبط مع الكالسيوم وتنزل فلو في نقص كالسيوم بردو بيزود احتماليه ترسبها بالكلى وبالمناسبه خدو الكالسيوم من المصادر الطبيعيه افضل من المكملات
وافضل المصادر هي :
الاجبان الطبيعيه
السمسم
السردين
العدس
التين
الحبوب الكامله
بلاش مكملات كالسيوم
ربنا يحفظكم من كل شر وخلو بالكم الاعتدال بكل شيء حلو مهما كنت حريص الافراط بحاجات صغيره بيئذي والحمد لله على فضله ونعمه
17 May 24 by member: Om habiba2020
|
اسفه على الاطاله لكن بجد ربنا يحفظكم تجربه مؤلمه اللهم لا ترينا بأس مثله واشفي عني وعنكم وعن مرضانا ومرضى المسلمين
17 May 24 by member: Om habiba2020
|
افتكرت القهوه ممنوعه لكن طلعت بريئه طالما بااعتدال بردو ☕☕☕💖💖💖
17 May 24 by member: Om habiba2020
|
صباح الورد الف هنا حبيبتي ربنا يتم عليكي الصحة والعافية يارب
17 May 24 by member: مودة ...
|
17 May 24 by member: ابوكرش
|
صباحك هنا وعافيه دايما يارب
17 May 24 by member: ام نوح 2024
|
شفاكي الله. وعافاك ام حبيبة انا الحمد لله تعبت بردو يو الثلاثاء إلى فات ولقيت عنذي حصوة على الكلي وانا مش بشرب ماية على الرغم من اني أخصائية تحليل طبية بس باب النجار دايما مخلع وكمان دخل على الدور الي ماشي تكسير في العظام
17 May 24 by member: m.a.s.elsayed
|
17 May 24 by member: m.a.s.elsayed
|
صباح الورد يامودتي .. اللهم امين واياكم ياحببتي💖
17 May 24 by member: Om habiba2020
|
الله يهنيكم يارب.. صباحكم خير ان شاء الله
17 May 24 by member: Om habiba2020
|
شفاكي الله وعافاكي يامنى شفاء لا يغادر سقما خلي بالك من نفسك ربنا يحفظك ويبارك فيكي 💖
17 May 24 by member: Om habiba2020
|
الشيماء تقللي منها يعني خليكي حذرة وظبطي الكالسيوم ولو نسبة الكالسيوم مبترتفعش تابعي علشان تاخدي فيتامين دال كورس كامل مع دكتور وفي كمان حاجه مهمه فيتامين k2وده مسئول ياخد الكالسيوم من الدم يوصله للعظام والاسنان بدل ما يعمل لود على الكلى وده موجود بالدهون الصحيه وبعض الخضروات سيرشي على اهميته واذاي تظبطي التوازن بتاع الثلاث فيتامينات (دال؛ k2؛ ca) والف سلامه يقمر... 🌷🌷
17 May 24 by member: Om habiba2020
|
صحة وهنا على قلبك يا أم حبيبة ❤️
17 May 24 by member: Norhan Fathy Yassen
|
17 May 24 by member: Om habiba2020
|
شفاكم الله وعافاكم وعافانا جميعاً 🌹🥰
17 May 24 by member: Norhan Fathy Yassen
|
الله يعافيكي حببتي تسلمي يارب
17 May 24 by member: Om habiba2020
|