|
السلام عليكم ورحمة الله وبركاته
أول يوم ليا هنا ربنا يعين
إن شاء الله يكون ده بداية لتغيير حقيقي في حياتي مش بس في الوزن لكن العادات و التفكير. و ميكونوش كام كيلو اخسهم و ارجع اتخنهم تاني لكن يكون أسلوب حياة مفيش رجوع فيه.
مشكلتي الأساسية في (الأكل العاطفي) وبيكون سببه ساعات كتير التوتر او الزهق. مشكلة ناس كتير ودي مش مجرد دايت بيحلها لكن تغير جذري في الشخصية و قوتها و طريقة تعاملها مع الضغط اللي بتمر بيه.
السنه اللي فاتت كان وزني ٨٠ كيلو (طولي ١٦٥ سم) فشديت على نفسي شويه و خسيت ١٤ كيلو، بعدها عديت بفترة ضغط بعدها امتحانات و طبعاً كنت بلاقي نفسي في المطبخ كل ربع ساعة.
الأكل الكتير مش بس كان بيتعبني جسديًا من ناحية انه بيتتخني و بيتعبلي القولون اكتر مما هو تعبان وكتر السكر اللي اصلًا بيتعب ويقلل مستويات الطاقة، لكن كان بيأثر فيا نفسيًا برضو و كنت بلاقي نفسي في حالة خمول وكسل طول الوقت و مكنتش بقدر أركز و لا أواجه الواقع قدامي عشان في الآخر هلاقي نفسي هربانة للمطبخ.
المهم تخنت وخسيت وتخنت وخسيت و أديني ٧٠ كيلو دلوقتي وان شاء الله ناوية أخس ١٥ و أوصل ٥٥.
و بإذن الله أغير من نفسي و عاداتي و تفكيري و تكون الخطوة دي بداية لتعلم ظبط النفس في كل حاجة في حياتي.
اللهم إنّا نسألك التوفيق و الهداية. ♥️
|
700 kcal
|
Fat: 35.95g | Prot: 27.85g | Carbs: 68.84g.
Lunch: Rich Bake Shamy Bread , Tomatoes, Cucumber (with Peel) , Beets, Meat Spread or Potted Meat. Dinner: White Flour, Egg, Cucumber (with Peel) . Snacks/Other: Turkish Coffee, Tea with Milk and Sugar. more...
|
|