الف هنا ام حبيبه
ربنا ييسر ليكي الامور
29 Jun 24 by member: ام نوح 2024
|
شجعتيني اعمل التونه بالبيت
بس انا هعملها بسمك الماكريل مش سمك تونه لانه غالي وكمان مش متوفر
ياتري طعمها يستاهل التجربه ولا اصرف نظر 😄
29 Jun 24 by member: ام نوح 2024
|
بالهنا والشفا..المقصود بايه بتونه منزليه؟
29 Jun 24 by member: Eng.'Mohamed'
|
يا ريت طريقة عمل التونة من نوعية السمك و طريقة التسوية و الحفظ يا ام حبيبة
29 Jun 24 by member: ibrahimhager
|
الله يهني قلبك ياام نوح 💞
بعملها بسمك البلاميطه سمكه قلبوظه شبه التونا وسعرها معتدل اهم حاجه اشيل الزفاره بعاملها معاملة البطايه بتتغسل بالدقيق والملح والخل والليمون وتتنقع نصايه واغسلها واهم حاجه مكان السلسلة العظميه تتنظف بفرشاه اسنان او فرشة سمك اشيل اللون الغامق وبكون محضره حله فيها لوري وكمون حب وفلفل حب وخل وملح ولومي (الليمون المجفف) وليمون شرائح متقشر وشايله منه البذر مش عاوزه المايه تمرر لان دي الي هحفز فيها تغلي عندك طريقتان لاما اسوي علي البخار بتاعها لاما اسلقها وللامانه السلق افضل من ساعه لساعه ونص حسب حجم السمكه الي طبعا قطعناها جزل ومتقلقيش السمكه قويه مبتتهريش ان شاء الله
تبرد تتنظف وتتقشر الطبقه الفضي الرقيقه وتحضري برطمانات معقمه بالبخار ومن شوربه السلق نصفي ونضيف ملح وخل حسب الكميه والتذوق ونعبي السمك وبعنه السائل وللوش فقط طبقة زيت رقيقه تساعد علي الحفظ وتتغطي بااحكام من اسبوع لاسبوعين تخزنيها بالثلاجه لتفادي الحراره الشديده ولما تفتحي برطمان يستهلك خلال 3 ايام يفضل بتكون فصوص زي دي وفي برطمان بيكون للمفتت والغامق من السمكه بنستهلكه في الاول والباقي بيتحمل تخزين فتره طبعا انا بعمل كميه للشهر لان مش هعمل الغلبه دي علي سمكه 2 او 3 كيلو بعمل سمكتين بيقعدو الشهر عندي وزياده وطعمها جميل خصوصا لما بتتوضب بالبصل والمايونيز او الطحينه معلش انا رغايه بس بحاول اوصل التفاصيل في طرق كتير علي النت بس انا بعمل الميكس الي بيعجبني بعد تجارب كذا مره
29 Jun 24 by member: Om habiba2020
|
29 Jun 24 by member: Om habiba2020
|
الله يهنيك ياباشمهندس محمد يعني معموله في البيت 🙂
29 Jun 24 by member: Om habiba2020
|
ا. ابراهيم التفاصيل بالكومنتات
29 Jun 24 by member: Om habiba2020
|
تمام ام حبيبه
تسلم ايديك ان شاء الله اجربها في اقرب فرصه
بس سؤال تاني هو سمك البلاميطه ده اللي هو سمك البياض ولا ده حاجه تانيه
29 Jun 24 by member: ام نوح 2024
|
والله تسلم ايدك ياام حبيبه . انتي فنانه في الاكل
29 Jun 24 by member: CAP.MOSTAFA
|
29 Jun 24 by member: n'srn ♡
|
تسلمي ياام نوح 🌹 سمكه تانيه طبعا البياض ده ابو شنبات بتاع صنيه الصياديه في الفرن واخوه قشر بياض بتاع الفليه كله الا الثقافة السمكيه 😂😂
29 Jun 24 by member: Om habiba2020
|
تسلم ياكابتن... بنجتهد علي قدنا
29 Jun 24 by member: Om habiba2020
|
29 Jun 24 by member: Om habiba2020
|
شكلنا كده يا ام حبيبه
اسكندرانيه علي الفاضي معرفش غير كام نوع سمك كده علي قدي 😂😂
خلاص خلينا في الماكريل وخلاص😄
29 Jun 24 by member: ام نوح 2024
|
الله انتي اسكندرانيه اجمل مدينه في الحياه بعشقها مهما روحت مصايف تفضل متربعه علي العرش♥️♥️ ومقصدش والله بس زوجي خبير في الاسماك وبيحكيلي عن انواعها وهو الي معرفني الفروق علشان ميتضحكش عليا 😁😁
29 Jun 24 by member: Om habiba2020
|
والبلاميطه عندكم موسمها يبدء من شهر 7 متوفره بإذن الله
29 Jun 24 by member: Om habiba2020
|
29 Jun 24 by member: مكة جويدة
|
الله ينور عليكي 👌
و الف هنا و شفا عليكم
29 Jun 24 by member: ibrahimhager
|
ال بلاميطة هي الماكريل يا أم نوح
انا بنت بحر بقا جيتو في ملعبي
29 Jun 24 by member: ءالشيماء
|