ام نوح 2024 's Journal, 04 Jul 24

البوست منقول 

دي حقيقه 😅  

ااااه يافاطيمة اه لما نزلت مصر عماتى وأهل بابا فضلو يقولولى خسيتي ليه كده بابا بقى جزاه الله خيرا فضل يقولهم أصلها بتعمل ريجيم وخسيت ١٠ كيلو 😱🤔🤔🤔🤔 شكرا يا حاج بارك الله فيك من بعدها فتحت ع الرابع ومش عارفه الم الدنيا يا اختاااه  

حقيقي ✋😂😂😂 

يابنتى ده انا مرة لاقيت جارتنا بتخبط فكرتها عايزة ماما لاقيتها بتقولى انا جايالك انتى يا أستاذة اصلى عوزاكى تقوليلي خسيتي ازاى 😂😂😂 يختاااااااى اعمل فيك ايه يا ابي بس الله يرضى عنك  

كنت لسه بقول انا محسود 😐😂 

للاسف مبتجيش غير من القريب 😂 انا عمري مانجحت ولا كملت في اي دايت ودي حاجه معروفه عني وسط العيله بس سبحان الله ربنا ارد اني اكمل وانظم مع نفسي قبل ما ادخل هنا البرنامج ونزلت من 115 ل 94 ده كان انجاز عظيييم بالنسبالي وكنت مبسوطه جدا اني حققت كده لوحدي من غير اي دكتور ولا حتي دعم نفسي من اي حد واني قدرت اسيطر علي شهيتي صحيح وقعت كتير بس كنت بقوم وكمل في صمت وبما اني قليله التواجد في التجمعات العائليه كان اول ظهور ليه في العيد وطبعا الكل اتفاجأ لاني شكلي كان يقول اني اقل من كده بكتير وسمعت كلام ونظرات كفيله تسد النفس عن اي حاجه معادا الاكل 😂 والنفسيه والاراده في الارض ورجعت لنقطه الصفر والانجاز اصبح سراب بس ادينا بنحاول تاني الله المستعان  

هو بابا عرف منين يا موده انهم 10 كيلو هو لازم التفاصيل دي تتقال 😂😂 

انا سمعت كتير والله يا فاطيمة بس زى ما شكلى اتغير اسلوبي وردى كمان اتغيروا ثقتى فى نفسي بقت فوووووق وده اللى فاجئ اللى حواليه بس الحمد لله ابي واخواتي كانو بيشجعوني جدا اخويا قالى محدش هيلومك انك بتدافعى عن سلامك النفسي دوسي ع الرابع وانا فى ضهرك متخافيش من حد فحرفيا مشيت بمبدأ انت قبل ما تفكر تقل ذوقك معايا سألتني انا هعمل فى كرامتك ايه🤣 اول اسبوع كان فى خضه كده بعدين خلاص كل حد التزم بحدوده بس النق يا اختااااه ماشاء الله عليهم اساتذة  

غلطة يا فاطيمة واتعلمت الادب  

الفكرة أن هما دول نفس الناس اللى كانو بيعلقوا على لما كان عندى نحافه 🙃🙃 

اتفق جدا معاكي متخفيش علي زعل حد هو مفكرش في كلامه معاكي هيزعلك ولا لاء  

ولو أن شيئًا سبق القدر لسبقته العين انا مش بحب الشكوى ولا الحديث عن اللي حصل في حياة الواحد بسبب الحسد بس لازم الواحد يكون عنده يقين ان ربنا الحافظ مهما نظرتلك ألف عين وعين وهو دا الإيمان بالله واليقين في الله وحسن الظن به، وما هم بضارين به من أحد إلا بإذن الله ونحن مأمورون بالأخذ بأسباب الوقاية والحماية وأما نتحسد فعلا بيكون في تقصير في التحصين وأذكار الصباح والمساء تقبلوا الكومنت دا من واحدة كان وزنها ٦٧ قديما ومش قادرة تقوم تاني ههه 

صح جدا جدا اتفق معاكى يا شيماء الله يعينك ويقويكي وتقدري تنزلى للوزن اللى يناسبك بصحة وعافيه  

اللهم آمين ربنا كريم شكرا يا مودة 

صدقتي يا شيماء ربنا يقوينا ويعينا علي نفسنا.  

حبيبتى يا شوشو ربنا يقويكى 🥰🌹 انتى قدها 💪💪 وتقدري ترجعي ذي الاول واحسن كمان استعيني بالله كدا ❤️❤️ وان شاء الله تقدري تنزليهم 💪🫰🌹❤️ 

مبعرفش . مايغمضليش عين غير لما اعرف البلد كلها انش بنشف وبتخيل نفسي ع مسرح مستر اوليمبيا كل يوم بالليل 🤣🤣🤣🤣🤣🤣 

العين مالها دخل ولا كلام الناس الدايت يحتاج ارادة وصبر انا مثلاً من بلشت دايت كلها تعرف وما هزني اي شي كنت مستمرة ولا زلت كلام الناس وحقدهم يجيب المرض اذا تفكر فيه وكميه ما التوتر الي بتعيشها لو فضلت تفكر بكل كلمة قالها شخص مثير للشفقة راح تأثر على صحتك أيضاً نعم الصحة تتأثر بالنفسية انا كنت بركز مع كل كلمة تخرج من اختي لدرجة اسبوعين وجهي كان شبه الليمون من الصفار الي فيه مش بس وجهي كمان جسمي (لوني الطبيعي ابيض ) حرفياً حتى ماما خافت يكون عندي مشاكل بالكبد لكن هو مجرد توتر ونفسية سيئة بسبب الناس يفضل انه ما تحط قيمة لأي احد مهما كان ولا تفكر غير بنفسك وصحتك وسعادتك حتى شكلك بيتغير للافضل طبعاً  

+ يا ام نوح الدايت او نظام الحياة الصحي المفروض تعمليه علشان صحتك وما تهتميش لحد مهما كان وحتى لو سخروا منكِ اسخري من تفكيرهم حتى لو بينك وبين نفسك ما تحسسيش نفسك انك اقل منهم بحاجه ابدا كل انسان مميز بطريقته الخاصه وانت المفروض تقدس كل شيء تعمله مهما كان بسيط وحتى من تبلش يومك وتنهيه كله بكلام غزل لنفسك وروحك وجمالك المميز (بعملها وبقولك انها تغير الحياة 180 درجة)