أنا قبل ما أتجوز كنت بضرب عن الأكل وكنت بنام
إنما حالياً لما بتضغط بدخل ع التلاجه وبعد ما عملت دايت بقيت بفتح اليوتيوب أو أقرء غي المصحف أو بكتب اللي مضيقني وبحرقه أودامي ... وإنتهي 🤣
18 Jul 24 by member: .🧡ڤانيليا
|
اشربي مية بدل متاكلي و استني شوية بنسبة كبيرة الشعور ده هيروح
18 Jul 24 by member: ResoOoo85
|
فعليا دى مشكله كانت بتأثر جامد عليا بالبدايه بقيت اتغلب عليها بالمشي مع التيار يعني اقوم اعمل احلي اكله ممكن تكون عجبتني الفتره الي فاتت واشغل نفسي ساعه علي الاقل بجهز في وجبه صحيه او وصفه صحيه عقبال ما بخلص بتخلص من معظم المشاعر السيئه فباكل حاجه بسيطه وخلاص
في حل تاني شغلي فيديو زومبا او اي رياضه بسيطه تشغلك انا بخرج امشي او حتي بشغل فديوهات المشي وممكن قبلها اخد قطعة دارك شوكليت مثلا او ايس كوفي اي حاجه من الي بتزود هرمون السعاده 💞
18 Jul 24 by member: Om habiba2020
|
الاضطرابات النفسيه والضغوط لازم تدربي نفسك علي مهارة الفصل بين الأشياء وعدم ربطها ودي بتاخد منك وقت
الاول الادراك انك ليه بتعملي كده
الثاني ايجاد بديل وقتها
الثالث هتبتدي تقوي روحانياتك شويا بحيث يبقه صعب الضغط النفسي والازمات تأثر فيكي
حاولي وقت الضغوط والازمات تتجنبي انك تقعدي ساكته ولوحدك
اول ما تلاقي نفسك مضايقه هتقومي مثلا تصلي تخرجي تكملي شغل عادي تنامي المهم تعدي الوقت ده
19 Jul 24 by member: Eng.'Mohamed'
|
شكرًا لإقتراحاتكم إن شاءالله هجربهم واختار المناسب
23 Jul 24 by member: sama646
|
خدي نفسك صح ( التنفس شهيق من الانف واحتفظي بالنفس لمدة ٥ ثواني و بعدين زفير من الفم على خمس عدات) دا اسمه تمرين الاسترخاء التنفسي بيزود نسبة الأكسجين ف الجسم وبيعمل استرخاء لجسمك كله
بعد كدا سيبي المكان أو الاوضة اللى انتى فيها تقدري تاخدي دش ساقع هيريح الأعصاب المشدودة ويهدي من حدة التوتر والضغوط اللى عندك ..
وواحدة واحدة تقدري تستفيدي من النصايح اللى اتقالت كلها تشربي ماية و اعملى اكله تشغلك ساعة او تكتبي اللى انتى عايزاه وخانقك وتشوفيه قدام عينك وتشوفي هتتصرفي معاه ازاى أو تحرقيه .
23 Jul 24 by member: Norhan Fathy Yassen
|