Eng.'Mohamed''s Journal, 16 Sep 24

عاجبني تقمس شخصيات المثقفين الي انتو فيه دا بقالكم فتره ارسطو دا الي هيودينا في داهيه و الله 😂 مات و خلانا نعيش ١٠٠٠ سنه بنحاول نخلي الفضه دهب و الحديد فضه  

هموووت 🤣🤣🤣🤣🤣 ضحكتيني الله يسعد قلبك جربي تقرئي كتاب العادات الذرية تحفة يا كايلا هيعحبك اوى 

دوم يقلبي 😂💋 انا عندي الكتاب اصلا يموده و بحب اقره كتب علي طول بس الكاتب قال عشان تستفيدو و تفهمو بشكل احسن العادات الذريه محتاجين تقرو كتاب العادات السبع للناس الأكثر فعالية الاول فا انا حاليا بقراه و ان شاء الله لما اخلصه هو و الي عندي هبدا في العادات الذريه 🧡🧡 

انا قرئت العادات السبع بس محبتوش حسيته في سرد ورغي كتير لكن العادات الذرية محدد جدا فحبيته فى تطبيق اسمه أصبوحة راائع بيساعدونى ويتابعونى فى القرائة ومعايا مشرفة حلو اوى بجد  

kaila 😐عميك جدا ده مما اعجبني وكده 😂 

مودة والله يامودة الايام دي مش لاحق اخلص شغلي واللي ورايا لا فاضي للذرية ولا النوويه حتي 😀 

انا بدخل بس اشوفكم عاملين اي عشان محسش بإكتئاب من اليوم بتاعي 

🤣🤣 الله يعينك انا كمان عندى ضغطة رخمه بشتغل حتى الجمعة والسبت لما خلااااص نفسي اخد منوم وادخل كهف ومحدش يدور على  

أنا عندي وش او شخصية مش عارفة مابتظهرش خالص غير لنفسي والغريب انها الشخصية الشريرة يعني بفضل أقول لنفسي عن الي مضايقني او آذيني هعمل فيه وهقوله اني زعلان من كذا وكذا وخلاص مش هسكت تاني مش هسمح حد يزعلني او يضحك عليا او يجرحني بالكلام خلاص لو مش فاضية هقول لأ مش لازم اجري على طول هو مين يعني بيجريلي ،لكن اول ماحاجة من الحجات دي تحصل بحط في قلبي واعدي واخاف على زعل الي قدامي مع انه مش عامل حساب لزعلي ،وان قصدني في خدمة لو بموت بقول حاضر ،لدرجة انهم بقوا يزعلوا لو قولت مرة طب كمان شويا ولا مش دلوقتي ،مش عارفة اوضحلكم ازاي الموضوع عايز ريكورد وافضل اتكلم شفولي دكتور نفساني 😂 

😄دي نوع من انواع الطيبة اللي هو انا جامدة وبتاع وبعدين كل حاجه ترجع تاني ناس كتير عندها الشخصيه  

بس بصراحه ان كيدكن عظيم 😐 الرجالة طيبة بجانب الستات عشان كده لازم الرجل في اقصي درجات الطمأنينه بردو ميقولش كل اسراره لست عشان كده كده هتدمره بعد وقت 😄😄😄😄 

انتى محتاجه تتعلمى تقولى لأ دى مهارة على فكرة  

مودة اه والله طيب اخرة الضغوط دي اي اكيد مش دي حياة العشرينات ولا الثلاثينات ولا هيا دي الحياه ولا اي الضغوط بتكتر مش بتقل انا كنت فاكر ان هوصل ليوم اروح شغلي بالنهار واخرج باقي اليوم وكده الحياه كل يوم بتطلع حاجه تانيه خالص 

فعلا يا مودة مش بعرف أقول لأ الله يرحمه بابا كان دايما يقولي يابنت قولي حاضر يابت قولي حاضر وكان يضربني علشان اقول حاضر ،بس ماكنتش بقول لأ كنت بفضل ابرطم وخلاص يعني لو ماما هالتلي روحي هاتي حاجة ،تقولها مرة و2 وبعدين اقولها يووووه ما انا رايحة اجبها اهو او ما انا قايمة أهو ، ماخلاص مش انت قولتي هشيله بعدين ، كدا يعني فكان يضربني ويزعقلي ويقولي يابت ماترضيش وقولي حاضر ،فكبرت مابعرفش اقول غير حاضر ☺️ عقد نفسية من الصغر بس عمري ماكرهت بابا ولا زعلت منه بالعكس كنت متعلقة بيه أوي وكان اقربلي من ماما وكان مدلعني اوي الصراحة ،الله يرحمه  

احب اضيف انهم بيظهر وجههم الحقيقي احيانا كوسيلة ضغط لتحقيق رغباتهم ويفضل يضغط عليك عاطفيا ونفسيا لمجرد انه يبتزك عاطفيا 😔 

استحملوني معلش انا عارفة اني بتكلم كتير ،بس مش فضى والله ، لكن أنا حرفياً لوحدي ماعنديش حد افضفض او أتكلم معاه  

كان عندى نفس الفكرة ياباشمهندس وتعبت بسببها لحد ما ادركت أنها دار شقاء اصلا الراحة مش هنا بس ده ميمنعش أن بتعدى علينا لحظات واوقات حلوة وهى دى الحياة ربنا قال لقد خلقنا الانسان فى كبد . انصحك تسمع سلسلة مع النفس للدكتور عبدالرحمن ذاكر الهاشمي على يوتيوب  

بسمة ياجميلة عادى كلنا عشنا ده المهم دلوقتي الحل اييه تتكلمى مع ثيرابيست وتفرغي كل الماضى والمعتقدات الغلط عن نفسك انا ممكن اوصلك بوحدة كويسة جدا جدا وهقولك على الاسهل على تليحرام فى جروب اسمه اصطباحتي الرايقة بتاع هبة زايد حلو جدا وليها فيديوهات على يوتيوب جميلة الحاجات دى مهمة جدا انا كنت زيك لحد سنتين فاتو من بعدها اتعلمت اقول لأ اتعلمت احط حدود لنفسي والى حواليا حتى اقرب الناس فى الاول طبعا الموضوع مكانش سهل خااالص بس اتعودو 

لا بس عادي يابسمه كلنا بنقول حاضر ونعم للبيت 😂😂😂 نعم فالوقت ده كويسة للبيت عشان بر الوالدين وكده لأ التانيه دي بتقوليها للناس بره والقرايب والناس اللي بتتدخل او تطلب حاجه زيادة عن اللزوم وبردو مش للزوج ولا للزوجه لازم تكون حكيم تقوليها امته ويكون ليها سبب مش لا وخلاص يعني  

Bassma هما مين بس واحنا نضربهملك😂😂😂 ياجماعه في فرق بين الناس بره العائلة وجوه العائلة يعني الزوج والاخوات وكده لو في عشم وفي استطاعه اشطه يعني عادي انما لو في استغلال وابتزاز لأ طبعا