Eng.'Mohamed''s Journal, 16 Sep 24

بوستاتي الايام دي بتصحي جواكم حاجات عميقه ليه 😂 احنا نرجع لبوستات التمارين بقه  

بسمه شخصيتك قريبه أوي ليا .... حقيقي أنا وشي الشرير بيظهر معايا أنا ... ودايما اللي قدامي ما يشوفش مني غير كل خير مع العلم إني حقيقي الناس بتستغلني أوي .... وأنا عارفه إنهم بيستغلوني ... بس بقول عادي لله وللأسف ده جه علي حساب نفسيتي بقيت شخص عنده مشكله مع نفسه مش مع البشر ....😰 

بسمه وڤانيليا 😂🫣احنا شريرين مع نفسنا وطيبين مع الناس ما انتو كده مش ناس شريرة انتم كده طيبين عادي يعني بتفكروني بالاطفال لما حد يضربهم برة ويشتكو ويقولو احنا كنا نقدر نضربهم بس يمكن مش قصدهم انا كنت طيب جدا وانا صغير مش بأذي اي حد خالص بس لما كبرت للاسف اللي بيفكر يزعلني بكسر دماغه 😂 

لا والله... يا هندسه أنا كنت طفلة مشاكسه جدا وغلباويه ... لما كبرنا وأموت وأعرف أنا كان نفسي أكبر بسرعه ليه 😂 لقيت إن مش كل حاجه تستاهل الرد وحقيقي الصمت بقي بالنسبالي نعمه كبيرة حقيقي .... ده حتي الصمت بقي مظلوم والناس بتفسره علي مزاجها ... لكم من كتر ماخدت علي الصمت بقي الناس بتفتكرك ضعيف مع العلم إنك لو إتكلمت هيتمنوا لو فضلت ساكت ... الصمت مش خوف الصمت بالنسبالي إني برحم الناس من لساني عشان هجرحهم وهوجعهم جامد ...وأنا بعمل بقول النبي فلتقل خيراً أو لتصمت .... السؤال بقي هل أنا مع نفسي بصمت ⁉️ أبدا ... لا لا لا أفضل ألوم في نفسي كتييير وأقول كنتي ردتيي وقولتتي كذا بس لما أهدا ... بحمد ربنا فضلت ساكته عشان كنت هتسبب في ألم نفسي قوي لأشخاص أحبهم 🙂‍↕️ 

لا عندي منهم في عيلتي ٣ افراد ما شاء الله عليهم مع اني متزوجه وبعيده عنهم تماما لكن كل يوم لازم اعيط بسببهم  

يا ڤانيليا انا جربت كتير لاني 99.9 بختار ان متعصبش واكون هادي بس عموما فكل مواقف الحياه الغضب وحش حتي الناس الشاطره الكبيره لما بتحب تاخد حقها بتاخدو بهدوء انا مبحبش اوصل لمرحلة الغضب عشان باخد ساعات بقعد اهدي نفسي  

Bassma للاسف كل عيله فيها كده ومقربين كمان بس مافيش افضل من انك تكوني هاديه وتتجاوزي وتركزي في يومك اكتر  

بحاول اركز في حياتي اولادي وزوجي وماليش دعوه بحد بس بشكل يومي لازم اقع في مشكلتين تلاته كدا ماليش ذنب فيهم ذنبي الوحيد اني مش بعرف اقول لا 😭 

كده افضل يا Bassama بس لأ مش لازم لا بمعناها الصريح ممكن تعبانه شويا ممكن مشغوله جدا غصب عني ولما افضي حاضر عيوني وتكبري دماغك حاجات كتير ممكن بعدين ويجي بعدين يلاقي بعدين تاني ممكن عنيا مزغلله مش قادرة مش لازم لأ اللي قدامك مستنيها عشان يزعل يعني  

بمناسبة أن كلام الهندسة بيخلينا نخرج كل اللى جوانا ف أنا كمان حابة أشارككم ف اول العشرينات كنت دائما عصبية و مضغوطة وانا عارفة سبب عصبيتي ايه والضغوط دي جاية منين .. والدي شخص شديد حبتين ثلاثة أربعة...ولا يقبل النقاش أو التفاوض نهائيا . وبسبب عصبيتى دي فى دكتور ف الجامعة عزيز عليا قاللى دوري على حاجة تحبيها اوووي كل م تبقي متعصبه واعمليها .. وقتها كنت بحب اعمل سبحة والحاجات اليدوية بعشق اعملها وممكن اعد بالساعات اعملها ومزهقش. المهم فعلا بدأت انفذ كلامه ف الاول مكنتش مقتنعه .. بس بعد كدا لقيت أن نفسيتي بتتحسن وبقيت اهدا بسرعة مع دراستي بقي الموضوع اتحول تماما ... بقيت كمان اكتب مذكراتي الخاصة وافرغ كل مشاعري سلبية أو إيجابية واقيم نفسي ياتري رد فعلى ف الموقف دا كانت صح ولا أنا زودتها شوية ولا كان لازم ارد بطريقة معينة المهم خلاصة الكلام دوروا على حاجة بتحبوها اوووي واعملهوها ف عز عصبيتكم وغضبكم أو انكم مش قادرين تعبروا عن رأيكم مع حد أو تشيلوا عن نفسكم مهاترات مع أشخاص مش فهماكم ... ومع الوقت هتبوقوا اهدي وتعرفوا تقولوا لأ بطريقة مريحة اوووي بدون ما تيجوا على نفسكم أو حد يزعل منكم .. لانها بتطلع طبيعية اوووي واللى قدامك هيعرف أن دي حدودك ومش هيحاول يتعداها علشان ميخسراكش ... انما لو زعل .. نصيحة مني افتحله الباب وقله سكه السلامة 👋👋👋 

ايه الرغي بتاعي دا 😱😱 بس تعرفوا مستريحة وانا بتكلم معاكم .. بدون نقد أو احكام عاااش والله احنا جروب حلوين اوووي 👏👏👏🌹🌹💐🥰🤗 

ع فكرة طريقتك يا نورهان رائعه ... أنا لما بكون متضايقه بدخل أعمل أكله جديده أنا بحب المطبخ والطبخ أوي وكمان فكرة إنك تفرغي كل مشاعرك ع الورق حلوة بس بشرط تولعي فيها بعد ما تكتبيها عشان أول جوازي كنت بعمل كده و زوجي قراها وفضلنا متخصمين 13 يوم هوه مخاصمني عشان إتفاجئ بالكلام اللي كتباه وأنا خاصمته عشان قراها من غير ما يستأذني 😂👌🏻 

في اتنين عادات سبع للمراهقين دا مش قد كدا بس التاني بتاع السبع للناس احسن انا امد دلوقتي عاجبني جدا بجد و في فايده كتير  

بس بقي مش قادره عميك دا انا هناديلك نورهان استني يهندسه ايه مخارج الحروف التحفه دي 😂😂😂 اسمها عميق الدنيا دواره 😂 

احي يبوسي اكني انا الي بتكلم بجد و الله معمري فكرت انك ممكن تكوني زيي في الحته دي انا فعلا كل ما يحصل حاجه بردو اعد اقول هعمل فيه و فيها و ابقي مش طايقاهم بس الاقي نفسي سامحت بسرعه و نسيت بس منسيتش الي هو مش بحسسهم بحاجه بس انا فاكره كل حاجه و اقول حاضر بس مؤخرا بقيت بحاول اظبت الموضوع دا لان بجد بقي ياثر عليا اوي و اعرف ان كل حاجه بالتعود فا بحاول اعودهم علي اه و لا مش حاضر و خلاص و لما بسامح بحط نيه اني بسامحهم عشان ربنا بحيث اني في مقابل نسياني اخد حسنات بدال ما اخد علي قلبي و خلاص  

انا عندي ماما و بابا بردو نفس المعامله كدا بابا ميحبش الي يرد عليه و يعد يقولنا قولو حاضر و خلاص ريحوني فا انا برد بصراحه و ببرطم بردو 😂 فا يقولي مترديش و قولي حاضر بس بيمسك نفسه علي الضرب مش بيضرب غير في الجد او الغلط كدا مش عمال علي بطال يعني و ماما بردو تقول الحاجه اكتر من مره و انا اعد اقول جايه اهو او هعملها ثواني بس الجوو دا يعني و اروح اعمل في الاخر.. بس في الاول و في الاخر انا مش هتعلم اقول لا لماما و بابا يعني دول اهلي في الاخر و حقهم اني ابرهم ممكن تربيتهم في التعامل او الطلب مش احسن حاجه بس مليش حق اقول لا طبعا انا عندي الدين خط احمر مدام قالي اقول حاضر و اسمع كلامهم و مدام كلامهم مفيهوش معصيه لربنا فا انا لو معملتوش انا الي ابقي غلطانه لكن انا بحاول اتعلم اقول لا عشان بدي للناس حب و اهتمام اكتر من الي يستاهلو بصرف علي صحابي كتير حت لو مش بيعبروني بسامح اخواتي بسرعه جدا و هما الي غلطانين و بيزعلو فا هنا بقي نتعلم نقول لا و الف لا لكن لماما و بابا دول ربنا هيحاسبهم لو غلطو في حقي لكن هما ليهم حق اني اقول لهم حاضر  

زي ما هندسه قال كدا في نوعين لا للناس الي برا البيت 😂 

انا ينورهان كنت بحب الكتابه بردو و مذكراتي و كدا بس من شهر تقريبا اخويا فتحها و انا برا البيت و انا مش كاتبه حاجه تخليني اخاف او ادايق لو حد شافها بس فكرة انو عارف انها مذكراتي و فتحها دي لوحدها دايقتني بشكل مش طبيعي و دا معناه اني لو كنت كاتبه فيها حاجه مش عايزاه يشوفها كان زمانه شافها دا غير اني بكتب فيها اهدافي و انجزاتي الي ممكن للناس تبقي شايفاها تافهه الي هو دي شخصيه تالته ليا بحطها في الورق و اوريها لنفسي بس عشان احبها مش عايزه حد يشوفها غيري المهم من يومها و انا صعب عليا ارجع اكتب زي الاول و فضلت اسبوعين كل ما اشوف اخويا ابقي عايزه اضربه بس اكتفيت باني مكلمهوش لفتره و حاولت ارجع المايه لمجاريها بس معمري ما هنسي الي عمله بجد غير انه حت ما جاش اعتذر ليا دا كان مقموص مني و قولت لماما و قالتلي انها هتكلمو بس نسيت باين و المشكلة اني كنت بدات اظبت يومي و روتيني قبلها و لما فتحها حسيت كل حاجه بالنسبه ليا ادمرت احلامي اهدافي انجازاتي لاني مش عايزه غير نفسي الي تشوفها و تحس بيها و نفسيتي وقتها قلبت جامد لفتره طويله و مكنتش عارفه انام و لا اعمل حاجه لدرجه ان ماما حلمت بيا و جت ترقيني و قعدت تتاوب كتير و قالتلي مالك دا انا بدمع و انا برقيقي و كدا من يومها الحمدالله رجعت ابقي كويسه تاني كله بفضل ربنا .. بحاول حاليا ارجع اكتب لان الكتابه بالنسبه ليا حاجه مهم جدا طول عمري بعملها مش بس جورنال انا بكتب قصص كمان و نفسي في المستقبل اعمل روايتي الخاصه فا ادعولي ارجع احسن من الاول 

اللهه يا فاني انا كمان زيك بحب الطبخ و المطبخ اوي بحب اعمل حلويات و اجرب حاجات جديده و ساعات بطلع خلقي في تنظيف المطبخ ماما بتصحي تقولي ايه الحلاوه دي عاش 😂 

صح يفاني انا شكلي هعمل كدا اكتب و احرق 😂😂