Eng.'Mohamed''s Journal, 24 Sep 24

الفكرة أن انا عن نفسي التصوير الوجبات ده من أكبر اسباب انى استمرت لاكتر من سنه على النظام الغذائي والابليكشن اساسه كده حساب سعرات ومشاركة الوجبات ومش كل الناس فنانين تصوير كل وحد وطريقته احنا ممكن نتفق أننا منزلش صور اللغبطة علشان منتسببش أن حد يلغبط بسبب صورة نزلتها مثلا 

معك قلبا وقالبا بس الصور المظبوطة قوى بتجوعنى😂😂، وفيه حاجة كمان بتكون معرض للحسد او العين و دا بلاحظه جدا يعنى تلاقي الواحد ماضى فترة كويس ومرة واحدة النفسية مش حلوة واحباط وووو الله المستعان  

فيه تلاتة يصورو براحتهم مودة - ام نوح - نورهان الصور بتبقى فى حتة تانية 💐😀 يصوروا فى اى وقت و ياخدو عين بقى براحتهم 😂 

لا مش هناخد عين ان شاء الله بنقول الاذكار يعنى لا حسد يهدنا ولا عين تلمنا 🤣 

فعلا ناس كتير مننا تصوير الوجبات بخليه يلتزم اكتر وده هدف البرنامج اصلا  

اه بالظبط ياعلي انا انتكست ومش هكتب تمرين تاني هكتب وقته وعدد الكالوري اللي بحرقها فيه انا كل مره التزم واتمرن انتكس بعدها 

والصور المنظمه بتجوعني بردو بس بحبها بتبقه جميله للنفس والعين  

ايوه يامودة بس في صور لا شكل ولا منظر ومكرره كتير اي الفايدة عاوزين الحاجات اللي تخليك تعمل حاجه جديدة بكالوري اقل عشان نحسن الانتاج كده  

😄😄😄ايوة يامودة مبياخدش العين غير اللي بيقرا اذكار صدقيني 

ربنا يحفظكم جميعا الأذكار بمثابة سلاح فى يد المؤمن كما شبهه بن القيم فاذا كان سلاح قوى وكان حامل السلاح قوى استفاد منه اكبر استفادة وما ضره شئ واذا ضعف اليقين لم ينتفع بالاذكار كل الانتفاع ، و دا بيفسر إحسانا قد يصاب بالحسد او بضرر مع انه بيحافظ على الأذكار ، فربما نسى يقوله او ضعف يقين فيصاب وقتها بالحسد  

فكرت الصورة المجمعة لكل الاكل وبطريقة منظمة و( مجات جميلة ) بتبسطنى جدا 🌹🌹🌹 

لا يا باشمهندس ده كده عدم يقين انا بقرأ الاذكار وانا متأكدة أن ربنا هيحفظنى يوم ما بنساها بعرف انى هيتروق على طول اليوم وبيحصل والله  

صح يامودة 👏👏 

مع احترامي لرأي حضرتك بس حسيت انه قاسي شويه في ناس داخله البرنامج جديد ولما بتشوف صور الاعضاء حبت تشارك هي كمان بصورها وناس موجوده من فتره كبيره ومكنتش بتصور بس بدءت تصور وجباتها وتشاركنا عشان تسمع كومنت يشجعها ويديها عزيمه تستمر وتكمل مع ناس ليهم نفس الهدف وخصوصا ان كلنا هنا علي البرنامج لنفس الهدف يبقي ايه اللي يمنع وخصوصا لما يكون وجبه ناقصها طبق سلطه ولا وجبات اليوم عموما مش متوازنه بنبه بعض ونساعد بعض بافكار والصور اللي حضرتك بتقول عليها لا شكل ولا منظر بس هي بالنسبه لصاحبها سعيد بيها وحب يشاركها معانا وزي ماقالت موده التصوير بيشجع بنسبه كبيره بالنسبالي لما بنزل تقرير وجباتي بيشجعني اكتر عكس لما منزلش وابعد عن البرنامج اصلا اللي اقصده في الاخر ان ممكن اي حد يصور مفيش مشكله طالما ده من ضمن ابلكيشن البرنامج يبقي ايه اللي يمنع ومش لازم خالص الصور تكون مثاليه 100٪  

حتي لو صاحب الصوره انا مش هستفيد من وجبته بحاجه بس لازم يكون في مشاركه  

معاكى جدا يا فاطيمة  

انا مع صورة موحدة لكل الوجبات هتكون افيد اكتر  

بالعكس لما بشوف الناس ملتزمة وبتنزل صور اكلها كل يوم ده بيشجعني انا شخصيا أكتر وبيخليني التزم او يفضل الاكل الصحي في بالي حتى لو نفس وصفة البيض كل يوم مجرد انه حد مهتم كفاية يخلي شكل طبقه حلو وقيمته الغذائية عالية ده التشجيع بعينه طبعا الصور اهم وأسهل بالنسبالي من البوستات المكتوبة هكسل أقرأ بس مش هكسل أبص ع الصورة ! بحس ده الهدف أصلا من الابليكشن هنا مش العكس بوستات وتعليقات وحاجات تانية كتير مش مكانها خالص بس ماليش دعوة بيها يعني 🌸