ahmed_elbooz2000sfghjjj's Journal, 10 Jun 21

وانت داخل الجيم في خطوات معينه للتمرين لازم تعملها 👇

للاسف اغلبنا بيعمل عكسها تماما 😏

الخطوات دي الهدف منها افضل نتيجه من التمرين بتاعك 💪

وتقليل الالم من التمرين 😫

وزياده قدره عضلاتك علي الرجوع للوضع الطبيعي ( الاستشفاء العضلي )

- طيب الخطوات دي عباره عن ايه :

اولا : اول ما تدخل الجيم لازم ترفع درجه حراره جسمك علشان تهيئه للتمرين الي انت داخل عليه

وده بيكون عن طريق انك تعمل اي تمرين كارديو بمجهود متوسط لمده من 5 ل10 دقايق زي المشي او ركوب العجله او الارب تراك او نط الحبل

كده انت رفعت درجه حراره جسمك وهيئته انه يكون مستعد للتمرين .

ثانيا : هتعمل تمارين استرتشات للعضله الي انت ناوي تمرنها بس استرتشات من وضع الحركه

ودي بتكون اما نفس التمرين الي هتعمله بس بوزن خفيف جدا او بدون وزن او اي حركات للعضله الي هتمرنها

زي مثلا لو داخل تتمرن لرجلك ف ممكن تعمل نفس حركه الاسكوات بس بدون وزن

ثالثا : كده انت رفعت درجه حراره جسمك بالكارديو وعملت استرتشات حركه هتبدا بقي تتمرن بالاوزان والاجهزه تمرينك حسب العضله الموجوده في جدولك .

رابعا : بعد ما تخلص تمرن العضله الي في جدولك هترجع تلعب كاردو مره تانيه سواء مشي سريع او جري والخ بس بمجهود اعلي شويه ولمده حسب هدفك من التمرين .

خامسا : بعد ما تخلص الكارديو في اخر دقيقتين في الكارديو بتاعك هتقلل المجهود تدريجيا علشان تعمل تبريد لجسمك وترجعه لنفس دجه حرارتاه الطبيعيه .

سادسا واخيرا : هتعمل استرتشات من وضع الثبات علشان تفك عضلاتك وتساعد جسمك علي سرعه الاستشفاء العضلي وتقليل الم العضلات .

كده انت عملت كل الخطوات الصح الي هتساعدك توصل لافضل نتيجه من تمرينك 😎

94.3 kg Lost so far: 0 kg.    Still to go: 4.4 kg.    Diet followed: Reasonably Well.

---

453 kcal

Fat: 11.29g | Prot: 53.84g | Carbs: 34.26g.   Breakfast: جزر جزر, نيتروتيك واي بروتين, فول مدمس, الجزر, بياض البيض, بيضة مسلوقة. more...

3378 kcal

Exercise: Resting - 13 hours and 1 minute, Sleeping - 8 hours, Weight Training (moderate) - 1 hour and 59 minutes, Walking (slow) - 3/kph - 1 hour. more...