drshaltout87's Journal, 20 Aug 21

خلي بالك من Carbohydrate frequency يعني دخل النشويات مرة أو أتنين فـ يومك بـ الكتير الشوفان جميل وكل حاجة بس مش لازم تأخذه كل يوم بـ اللبن والفواكه لإن دي كدة تعتبر وجبه hyerinsulinemic بتعلي الإنسولين جامد وبالتالي الـ lipolysis (حرق الدهون) مش هيتم ممكن لو بتحبها أوي تخليها مرة أو اتنين فـ الأسبوع وتبقى مظبط أنه طول اليوم مش هيكون في نشويات معقدة زي الأرز والمكرونة والعيش والشوفان تاني وبردو كمية الفاكهة ونوعها خليها مرة واحدة فـ يوم ثمرة واحدة او اتنين بـ الكتير ومتأخذهمش as a snack وقلل من الفواكه الي نسبه السكر فيها عاليه على قد ما تقدر زي المانجا والتين والبطيخ والأناناس والبلح والموز ومتعملش ميكس فـ أكلك مابين النشويات والدهون على قد ما تقدر حتى لو من مصادر صحية وطبيعيه ربنا يوفقك ويقويك 💪🏻 

كلامك جميل من شخص فاهم 🌹🌹 .. هاقولك علي النظام اليومي اللي انا ماشي بيه .. الشوفان يوميا بيبقي 40 جم بس و بعمله بمياه .. وبحط عليه 50 جم لبن بس علشان الطعم .. يعني 30 سعر لبن بس . الفاكهه بحط 100 جم بس من أي نوع و مش باكلها تاني طول اليوم غير قليل جدا. أنا مش باكل عيش ولا رز ولا مكرونه ولا سكر خاااالص .. علشان كدا الشوفان هو المصدر الرئيسي و تقريبا الوحيد للكارب في يومي. كنت ماشي علي 3 وجبات .. فطار شوفان و غدا بيض اومليت و لو حبيت ازود معاه كارب بتبقي 60 جم بطاطس مسلوقه مش بزود عن كدا ، و العشا بيبقي فيه وجبة البروتين الرئيسيه في يوم .. بتبقي لحمه أو فراخ أو سمك أو تونه + سلطه . بقالي يوم عدلت النظام لوجبتين بس في اليوم .. الفطار زي النهارده كدا شوفان( كارب) و بيض وجبنه قريش (بروتين) و زبدة الفول السوداني ( دهون) والعشا هيبقي البروتين و السلطه . و هحاول ماكلش اي سناك في النص ولو اضطريت هايبقي خضار مش فاكهه علشان الأنسولين. تقليل عدد الوجبات علشان أعمل manage لل جيريلين عن الاوقات اللي كان متعود عليها. إيه رأيك و نصايحك . بالمناسبه مافيش evidence based articles بتقول انه غلط اني اعمل ميكس بين نشويات و دهون علي حد معلوماتي البسيطه.  

شكرا لـ ذوقك حضرتك 🌹 نظام كويس جداً وكميات مظبوطة جداً، ممكن اللبن تستبدله فـ معلقة من كريمة الخفق لأن نسبه الكارب والسكر الي فيها تكاد تكون معدومة جنب اللبن العادي أو كوب زبادي صغير وتكون بقدر الإمكان أنت مقلل السكر، هو لازم طبعاً ندخل نشويات لـ جسمنا بس متعتمدش على الشوفان كـ مصدر أساسي لإن still الـ glycemic index بتاعه عالي 😅 فـ ممكن تأخذ الشوفان دة مثلا يوم ويوم وتدخل حاجات تانية على فطار زي البطاطس المهروسة زي ما حضرتك ذكرت أو أي أفكار تانية ممكن يوم أومليت بـ الخضار والجبنة القريش بيشبع أوي وممكن بابا غنوج من غير طحينة أو بـ 5-10 جرام طحينة، المقصود أنك تنوع عشان جسمك ميعتدش دايت معين الـsnack لو مضطر ممكن يبقى كمان وحدتين عين جمل أو 5 6 لوزات كدة يعني أو ممكن معلقة صغيرة فول سوداني، الـ 40Gm دي الكمية المظبوطة فعلاً، وكدة أنت فعلاً دخلت النشويات مرة واحدة فـ اليوم فـ Carbohydrate frequency كويس أوي بالنسبة لميكس الدهون والنشويات فـ دة ببساطة لإن الجسم هيحرق حاجة من الاتنين لـ دهون لـ نشويات وهيخزن التانية وطبعاً الجسم هيروح يحرق النشويات وهيسبلك الدهون تتخزن وأحنا بنلعب أننا نعلي الـ glucagon و الـ GH ونقلل الـ insulin ودة مش هيحصل فـ وجود النشويات مع الدهون ممكن حضرتك عشان تـhandle الدنيا وتعرف هتأخذ ايه مع ايه تدور بـ نفسك فـ Google scholar عن article أو paper تكون شارحة الـ mechanisms دي وتطلع عليها ... أكيد حضرتك فاهمهم طبعاً بس كـ زيادة معلومات يعني تساعد حضرتك 🙏🏻 بـ المناسبة الزيادة دي لو بعد الفطار مباشرة هتكون زيادة وهمية وممكن تكون خاسس كمان فـ الأحسن أننا بنوزن الصبح قبل الفطار عشان نتأكد إن الوزن مظبوط  

أشكرك علي حسن الرد و الإهتمام 🌹🌹 طيب في رأيك أخلي أفصل الدهون عن الكارب ازاي وانا باكل وجبتين في اليوم بس .. لو عندك نصيحه ياريت تفيديني . وبالنسبه للوزن النهارده فللأسف أنا بتوزن فعلا قبل الفطار و فوجئت بالزياده عاي الرغم من زيادة الكارديو اليومين اللي فاتو لدرجة إني مش قادر أمشي علي رجلي حرفيا 😅😅  

الشكر لله 🙏🏻 مثلا الفطار النهاردة كان ممكن يبقى جبن وبيض وخضار فقط وزبدة الفول السوداني مثلاً أو الشوفان الفواكه لوحده كدة أنت فاصل أهو (لو مرة من نفسك عادي مش مشكله بس أنا بقولك عشان متكررهاش كتير وتأثر على تعبك فـ الدايت) وممكن الواجبة التانية تكون البروتين مع خضار كتير بقى سلطة وخضار سوتيه، مشوي أو مطبوخ نبي فـ نبي كدة يعني .. يعني لو مثلا نفسك فـ بطاطس أو بطاطا خذها لوحده من غير أي إضافة. ممكن تكون زيادة فـ كتلة العضليه مادام ماشي على نظام صحي يبقى متأسش أبداً أكيد مش زيادة دهون بإذن الله 💪🏻 ربنا يعينك ويقويك السكة طويله بس محتاجة شوية صبر وإن شاء الله حضرتك قدّها 😄💪🏻