بيعتمد على عدد السعرات الحرارية ليك
لو انت سعرات الثبات عندك مثلاً 2000 وانت بتدخل يومياً 1500 علشان تخس، فا دة معناه انك في الاسبوع سعرات الثبات 14000، وانت دخلت علشان تخس 10500 يعني عامل عجز 3500
لو جيت بقى في اليوم السابع وبوظت بزيادة ودخلت 5000 يبقى كدة انت عملت عجز خلال الاسبوع بس 500 وعلشان كدة نزول الوزن بيبقى أبطأ
أحسن حاجة انك تاكل يومك عادي وبعدها تدخل وجبة من برة بس تكون عارف سعراتها يعني مثلاً برجر وفرايز فيهم تقريباً 1000 سعرة (بتختلف من مطعم للتاني) وبالتالي اجمالي يومك هيكون 2500 فا هتكون حافظ تلى عجز سعرات كويس على مدار الاسبوع و هتلاقي نتيجة ومش هتحس انك اتحرمت من الاكلة الي عاوزها