sarasobhyg123's Journal, 17 Nov 22

هو سنك كام 

خد كده راحة يومين في الدايت وبعد كده كمل ده اللي حصل معايا عزيمتي قلت ولغبطت يومين كده وبعد كده رجعت تاني خد الحياة ببساطة 

امشي علي نظام كيتو هتدعيلي 

خسيتي ازاي 

الوزن دا خسيته في ٥ شهور متابعه مع دكتور ويمشي علي نظام low carb وبدون ادويه ولا حاجه وبالنسبه للرياضه عندي التردميل في البيت بمشي عليها ساعه  

بصي خلي الدايت بتاعك life. Style مش اللي هو تمشي عليه لحد ماتخسي وكلي اللي نفسك فيه بس بالعقل دا اللي مش هيخليكي تزهقي وعاش وعادي يعني لو لخبطتي يوم او اتنين او اقولك حتي اسبوع بس المهم خلي الدايت نظام تمشي عليه حياتك  

مبروك، طب ليه حاسة انك تعبانة؟ نقص في فيتامينات مثلاً او نقص حديد؟؟ و ليه عزيمتك برضو مش زي الاول؟ حاسة انك ناقصك ايه عشان تحسي انك كويسة؟ هل محتاجة تدخلى نوع اكل معين عشان تحسى انك كويسة؟ طب هدفك من الاصل ايه؟ مجرد نزول و لا صحة جيدة؟ يعنى رقم عالميزان و لا صحة جيدة؟ طب تفتكرى لو وقفتى و رحعتى لنظامك القديم كل الوزن الي خسرتيه ده هيرجع و اكتر و لا لأ؟؟ طب تفتكرى هوه رحلة نزول الوزن رحلة محددة بالزمن لمدة معينة و لا هوه لايف ستايل؟ طب تفتكرى الموديلز و لا الناس المهتمة بصحتها بياكلوا ازاي؟ تفتكري عيش في الفطار و رز و مكرونة عالغدا و حلويات؟؟ و لا ماشيين على نظام صحى؟؟ كتيير احنا محتاجين نغير تفكيرنا عن الاكل و علاقتنا بالاكل. لزمن كان هوه المكان المريح الي بنلجأ ليه في اي مشكلة و بيحسسنا ان مزاجنا مرتاح،شوية و تلاقى نفس نوع الاكل مش بيدي نفس الاحساسس! عشان الجسم تشبع منه، و الموضوع نفسي و عقلي بحت. يعنى لما بنقلل سكريات و كربوهيدرات بنستغرب ازاي احنا فو وقت مكناش قادرين نعيش من غيرهم مع ان دلوقتى تمام و مش جاعنين!! دوري عالسبب الحقيقي الي مضايقك، قد يكون مش الاكل نفسه، فكرى نفسك بالهدف بتاعك، مش مجرد رقر عالميزان و لكن صحة جيدة، فكرى لو رجعت لعاداتى القديمة هيرجع الوزن و ازيد و دي حاجة محدش تقريباً عايزها. و احب اقولك ان في قاعدة اسمها 21/90 يعنى الواحد بيحتاج ٢١ يوم عشان يعمل عادة جديدة، ٩٠ يوم عشان تبقى من الروتين و اللايف ستايل بتاعه،فانتى خلاص بقيتي عندك روتين و لايف ستايل جديد، بيشتغل لوحده من عقلك الباطن من غير مجهود، و ده انجاز لوحده انك وصلتى لهنا. كملى ان شاء الله. شوفى ايه الي مضايقك؟ تاعبك؟ نقص حاجة؟ مشكلة؟ و ظبطيها و خليكي دايماً مركزة على لى هدفك فرحانة بانجازك و كمان عارفة ان بقى عندك روتين صحى محفور في المخ و بقى لايف ستايل. بالتوفيق يا رب ان شاء الله. 

شكرا ليكو جميعا 🤍🤍