حد يعرفني اعمل اي انا قاطعه عيش خالص باكل 4 معالق رز بس ف اليوم علشان غلط اقطع نشويات خالص؟
25 Feb 23 by member: fallk.
|
الصيام المتقطع كويس جدا فى انقاص الوزن ممكن تكون انتى بتعملى الصيام غلط
اول غلط ممكن تكونى بتعملى مكس بين النشويات والبروتين كده بيرفع الانسولين او مكس بين الدهون الصحية والنشويات
ثانى غلط ممكن مش مضبطه مواعيد الاكل يعنى ممكن انهارده
تخدى اول وجبه الساعه 6المغرب و بكره تخدى اول وجبه الساعه 8 لازم تكون مواعيد الاكل زى كل يوم يعنى انهارده هتقلى الساعه 6 المغرب بكره تقلى 6 المغرب و كل يوم كده
ثالث حاجة لازم كل 10ايام يكون فى وجبه فرى بس مش بتكلى اى حاجه يعنى تاكل فطار غداء عشاء زى اى حد وتقلى النشويات معقوله يوم واحد بس كل 10 ايام
شكرا 🌹
25 Feb 23 by member: Mahmoud 333
|
هو الاحسن انك تخسي من نصف كيلو لكيلو واحد في الاسبوع ولو استعجلتي هيرجع وزنك يزيد تاني شوفي ايه النظام اللي جسمك بيخس فيه واتبعيه اهم شي ميأثرش علي صحتك وعموما كل جسم غير التاني في ناس بتخس كويس اوي علي الصيام المتقطع وناس لاء وعجز السعرات كويس بس اهم شئ ايه اللي بيتاكل في هذا النظام ميكنش اكل قليل جدا فمش هتخسي ولا اكل بيطخن بس بنسب قليله فهتضعفي وحاولي اكلك يكون كتير من خضراوات وبروتين ونشويات ودهون وفواكه في حدود الكميات المطلوبة ليومك كلي٣وجبات و٢سناك وإن شاء الله ربنا يقويك ويقوينا جميعا يا رب
25 Feb 23 by member: omomarwerahma
|
١٥٠٠ قليل جدا نصيحة مني عشان انا كنت بعمل زيك و بقلل جامد في السعرات اعملي حسب السعرات بتاعتك بالظبط و متقلليش عشان الموضوع هيقلب معاك بالعكس
25 Feb 23 by member: 133mohh
|
الصيام المتقطع مش نظام للتخسيس هو عامل مساعد للانظمه الغذائيه قليلة الكاربوهيدرات يعني لو عملاه ومش عامله عجز سعرات مش هيخسس ولو عملاه وبتاكلي نشويات كتير تأثيره هيكون عادي زي الي بيصوم رمضان ويخرج منه زايد لانه معملش عجز سعرات ولا قلل سكريات ونشويات
⬅️ ادمجي عجز السعرات مع الصيام المتقطع وقللي النشويات وحاولي تقطعي السكر المباشر هيفرق كتير معاكي مع شويه مشي او رياضه خفيفه وان شاء الله خير وخلي بالك عجز السعرات يكون مظبوط يعني متقلش سعراتك عن ١٣٠٠ في اليوم وحسب وزنك وسنك وطولك
26 Feb 23 by member: Om habiba2020
|