سؤال للجميع .. ايه افضل وجبه فطار لو في سفر ؟؟
وافضل وجبه لو في البيت ؟؟؟؟
30 Jun 24 by member: CAP.MOSTAFA
|
صباح الفل
النوم الكويس بيحافظ علي نشاطك وتركيزك وانا بردو نتيجة الشغل والضغوط احيانا بتقل ساعات النوم دي
كويس استمر
اعتقد الفطار في اختيارات كتير اهم حاجه نسبة البروتين
30 Jun 24 by member: Eng.'Mohamed'
|
فالبيت
انا بغير
فول
او شوفان
او بيض وجبنه قريش
مع اضافات تانيه
30 Jun 24 by member: Eng.'Mohamed'
|
في البيت فول بالبيض
بره البيت زبادي يوناني أو زبادو ساده
30 Jun 24 by member: .Vaniliya🍒
|
كويس يافانيليا . الاتنين كويسين
30 Jun 24 by member: CAP.MOSTAFA
|
تمام ياهندسه اختيارات كويسه . واضح ان فيه اجماع علي فول وبيض
30 Jun 24 by member: CAP.MOSTAFA
|
مش دايما الفول باكله مره واحده او اتنين بس بالاسبوع تقيل علي معدتي
معظم الاوقات جبن وشوفان وزبادي ومعلقة عسل
برة بقا الزبادي دبل طبيعي بقت بتسد معايا
30 Jun 24 by member: Eng.'Mohamed'
|
مساء الخيرات يا كابتن مصطفى 🌹☺️ بص يا سيدي سؤال ممتاز فعلا
وعلشان كدا سألت الحاجة مامتى
وكانت الإجابة كالآتي:
لو مسافر:
عندك سندوتشات جبنة بكل انواعها بيضا فيتا رومي شيدر ... وسندوتشات لانشون أو سلامي .. او نواشف بقى بانية بفتيك كفته مشوية.. كدا يعنى ومعاك زيتون اسود او اخضر خيار وجزر بلاش طماطم علشان بتبوظ من الحر .. او باتيهات بقى على حسب الحشوة اللى بتحبها والماية اهم حاجة العصائر تمام بس بيبقى ليها وقت معين تتشرب فيه علشان متبوظش الا لو واخد آيس تانك فعادي جداااا
ف البيت بقى براحتك 😂 عندك فول بانواعة بزيت وليمون أو بالزبدة أو بالطماطم أو طاجن ف الفرن او فول بالبيض أو فول بالخلطة غير الفول بالدقة تفرق ... عنك بيض مسلوق او اومليت بالنعناع أو بيض سكرامبل بالبسطرمة / اللانشون أو بيض بالقريشة تحفة اوووي أو عجة بيض اللى بالبطاطس دي وخضروات أو اومليت بالخضار والجبنة الموزريلا عندك جبنة وعسل نحل وقشطة أو عسل اسود وطحينة
عندك مثلا ودي إضافة منى .. عجوة بالسمنة البلدي 😍🤩 دي تاكلها لوحدها مع عيش مفقش مش عايزين نخرب الدايت وتصوم بعدها اسبوع 😂😂😂
عندك مثلا كشك ببيض بالسمنة البلدي بس ميبقاش ناشف يبقي متغرق بالسمنة كدا.. عندك مسقعة بدون لحمة مفرومة دا فطار ... او حبشتكنات بتنجان وفلفل مقلى مع قرنبيط. دا بالإضافة للمخللات ودي على حسب المتاح.
ولو انت بتدور على أكل هيلثي يبقى شوفان بالفواكه أو المكسرات المتاحة
ولو عرفت حاجة تاني هقول🧐🤓🤓
30 Jun 24 by member: Norhan Fathy Yassen
|
عندي كيلو شوفان هستخدمه مع لبن وفواكه . اعتقد هيبقي كويس في الشغل
. وفي البيت هستخدم اي بروتين نباتي مع خضار وبيض . ان شالله . هنظبط الدنيا باذن الله
30 Jun 24 by member: CAP.MOSTAFA
|
تمام يانور . الله ينور عليكي . وسلميلي ع الحاجه وخليها تدعيلنا 🤍🤍🙌
30 Jun 24 by member: CAP.MOSTAFA
|
صباح الورد ياكابتن ..ممكن تفطرف البيت زبادي مع بيض وفول وخضار وممكن تاخد معاك اثناء السفر شوفان بلبن مع رشة قرفة او مكسرات وممكن تفاحة احفظو ف مج حراري هينفعك طول الطريق
30 Jun 24 by member: @@@Do@@@
|
تسلمي يادودو 😇 . ان شالله نحاول ع قد مانقدر وربنا ييسر
30 Jun 24 by member: CAP.MOSTAFA
|
دودي
انا بعمل كده احيانا الاسبوع اللي فات كنت مستعجل ومش عاوز افطر بره اخدت ربع كوب شوفان ومليت المج الحراري لبن ولما روحت الشغل عاوز اقولك للساعه 12 الضهر وانا باكل معلقه بمعلقه كده وسد معايا جامد
30 Jun 24 by member: Eng.'Mohamed'
|
ايوا يا باشمهندس فعلا بيشبع جدا وحاجة صحية بدل اللخبطة بتاعة الماركت وممكن تحط علية تمر بيبقي احلا ..بالف هنا يا باشمهندس
30 Jun 24 by member: @@@Do@@@
|
ايوه فعلا التمر لذيذ جدا مع الشوفان
وممكن معلقة عسل نحل
وممكن موزه او تفاحه
وممكن زبيب
انا بعملهم كلهم بس حسب المتاح وحسب الكالوري احيانا ساده
30 Jun 24 by member: Eng.'Mohamed'
|
معايا كمية في البيت حوالي كيلو . زي ماهو مش استخدمته . بسبب اني عندي حساسيه من اللاكتوز اللي في اللبن . فبيتعبني . حد عنده اقتراحات اعمل الشوفان ازاي تاني غير اللبن ؟
30 Jun 24 by member: CAP.MOSTAFA
|
💥بدون لبن عادي بمياه ساده
💥بلبن عادي بس تختار الخالي من اللاكتوز
💥بأنواع لبن تانيه غير مؤثرة لمرضي حساسية اللاكتوز
30 Jun 24 by member: Eng.'Mohamed'
|
في ياكابتن انواع البان كتير بديلة هتلقيها ف كذا هيبر او لو ماركت كبير عامل قسم للهلثي فود حليب جوز هند ولوز وفي تقريبا جهينة او المراعي منزلة انواع خالية من الاكتوز انا مش عارفة انت من اي بلد بس هلثي اند تستي ليها فروع كتير لو قريب منك اسال وهتلاقي كتير بدايل ..شفاك الله وعافاك
30 Jun 24 by member: @@@Do@@@
|
تسلم يا هندسه كل ده عارفينه . عاوزين جديد 🤣😅
01 Jul 24 by member: CAP.MOSTAFA
|
ان شالله يادودي . هجيب حليب اللوز او حليب الشوفان لو لقيته . مش عارف اللبن بيتعبني بسبب انه بيحرك القولون شويه ولا دي حساسيه من اللاكتوز . وتقريبا مفيش فرق في الاعراض. بس ف كلتا الحالتين مش بشرب لبن . ممكن زبادي او جبن بس
01 Jul 24 by member: CAP.MOSTAFA
|